21ê Sibata 1993î de Serekê Şûbeyê Xarpêtî yê Komeleya Heqê Merdiman avûkat Metîn Can hetê hêzanê kontrayan ra amebi remnayene û dima ra amebi qetilkerdene. Hedîse ra dima meyîtê avûkat Canî amebi dîyayene.
Dayîka Canî Anîk Cane zî bi serran têkoşînê lajê xo domna û endama Dayîkê Şeme bîye. Dayîke Cane badê ke meyîtê lajê xo dî, seba ke qatilê lajê aye bêrî dîyayene her hewte Rasteyê Galatasarayî de beşdarê çalakîyan bîyêne. Dayîke Cane ke bi serran têkoşînî mîyan de cayê xo girewt, wefat kerde.
Cenazeya Cane badê ke Cemxaneyê Çayirova yê Kocaelî de merasîmê oxirkerdişî ame viraştene, erşawîyaye dewa Karabûlûtî ya qezaya Mazgêrdî ya Dêrsimî. Keyeyo ke Cane tede ameya dinya de helalîye ameye girewtene, cenaze goristanê dewe de ameye definkerdene.
XARPÊT