Kongreya Starî waştişê musayîşê nuştiş û wendişî ser o kurs da destpêkerdene. Kurso ke Komunê Şehîd Basîlî de yeno dîyayene de 20 dayîkî perwerde vînenî. Îdareyê Kobanê yê Kongreya Starî hedef keno ke seba dayîkan heme komunan de kursan bido destpêkerdene.
Mamosta Emîne Mihemede daye zanayene ke dayîkî bi heyecanêko pîl beşdarê dersan benî û wina va: “Şorişê Rojawanî ra ver îmkanê musayîşê ziwanê ma çinêbi. Nika zî ma eşkenî ziwanê xo bimusî.” Dayîkan ra Xanim Hesene dîyar kerde ke ziwan nasnameyê merdimî yo û va ‘Ma heme dayîkî nika komunê xo de ziwanê xo musenî, ma seba Kurdî zaf bedelî dayî’.
Dayîke Medîne Elî zî wina va: “Şorişê Rojawanî ra ver ê ke seba Kurdî çîyêk bikerdêne, ameyêne cezakerdene. Ma tay erey mendî, labelê ma nika ziwanê xo de nusenî û wanenî. Ma Kurdî musnaye domananê xo zî. Ganî heme dayîkî Kurdî binusî û biwanî.”
ANHA / KOBANÊ