Dayinê qerarî heqê esasî ê êzdiyano

Êzdiyê binê banê Kongreyê Civaka Demokratîk KCD de amey pêhet meclîsa êzdiyanê Bakurê Kurdistanî ronê.
Ronayinê Meclîsa Êzdiyan ê Bakurê Kurdistanî jî, bi jew kombiyayişa îlan bi.
Meclîsa Êzdiyan ê Bakurê Kurdistanî 29 kesana roniyaya û %40"ê ci jî, ceniyê ca bigirê.
Heto bîn ra Federasyonê Komeleyanê Êzdiyan ê Ewrupa FEK weşanê heveyê organê medya ê Başûrê Kurdistanî serro damûsnayinê da.
FEK ard ziwan ki, heveyê organê medyaya başûr, bi zanabiyayin neweyanê zûrî weşînenê û vat: Derheqê ameyinê xo de, dayinê qerarî heqê esasî ê êzdiyano. Gerek heme quwetê kurd bi  hurmet nezdiyê ronayinê meclîsa êzdiyan bibê.
No maben de, Endama Serokîna Dîwanê KCD Feleknas Uca jî, helwesta PDK ê vera Meclîsa Êzdiyan rexne kerd.

Uca vist vîrî ki, PDK  Şengal ra remê û bi des hezaran êzdî bi komkiştenan ra rî bi rî ternê û vat: Iyê ki Şengal ra ramey, nêşenê derheqê Şengal û çarenûsê êzdiyan de, qisey bikirê.

AMED