Zêdetirî 35 rojin Kobanê bi êrişên hovane a çeteyên DAÎŞ´ê re rû birû ye. Lê ji bilî şervanên YPG/YPJ û xelkê Rojava ti kes li meydanê nîne. Gel bi can û malê xwe ax, mal û hebûna xwe diparêze, ne tenê van 35 rojan lê zêdetirî sal û nîveke dema gel ber xwe dide hin partiyan bi navê ku PYD “diktatore” û rê nade me xebatê bikin û gel biparêzin, ne tenê cem gel nebûn, lê li hotêlan dagirkerên Kurdistanê û hevkarên wan bazarî li nirxên gel dikirin. Mercên wan ji bo tevlîbûna Rêvebiriya xweser a Rojava ew bû ku mîna mîratî destkeftên gel parve bikin û çîroka 50-50 a Başûrê Kurdistanê ku hîn ji gel êşa wê dikşînê, dubare biken. Ev li alîyeke bimîne, ne tenê parastina gel nekirin, lê bûn hevkarê DAÎŞ´ê û wesayîtên bombebarkirî anîn Rojava û teqandin û bi dehan rêvebirên Rojava qetil kirin. Li xwe mukur hatine hin çeteyên DAÎŞê û endamên van partîyan van rastîyan radixin ber çavan. Ne tenê nebûn pişt û hêza berxwedêr ji bo gelê xwe lê li paytextên welatên Rojavayî pir hewildan PYD bixin lista rêxstinên terorist, pirin yên ku li Berîln, washtington û hen paytextan rastiyan bibêjin û hin ji van partiyan nekarin jî înkar biken û hen werger û kesayetên bi wan re kar kirine belgeyên pir zelal nîşan diden. Bi dehan car ji wan re gotine dema diçin cem Emerîkayan henek heybet û kesayetîye mirovê Kurd biparêzin û çi dixwazin bi zimenêkî zelal û bê terdûd bibêjin lê serî ziman û binê zimanê wan ji bilî PYD “diktatore “ tişteke din negotine. Hemû diplomasîya wan li ser reşkirinê bûne, derfetêke mezin li qada nevnetewî de ketîye destê wan lê vê meydanê ji bo reşkirina tevgera azadî bikaranîn.  Ev jî bi nêrîna min nîşana îflasa sîyasî tê.
Niha jî dema mehêk ser berxwedana Kobanê derbaz bû, zêdetirî 100 şervanê YPG/YPJ bi qehremanî jîyana xwe ji bo azadî û gel fedakirin niha hevdîtin heye, ez ji her kesêkî zêdetir bi yeketêtî netewî re me lê yekêtî eger bê pirensîp were avakirin ez weke ferdeke vê civakê nepejirînim. Mirov henek jî divê şerim bike kû hen partîyên hiç karêk nekirine, ked nedane, piştî xwe dane gel, temenê xwe di hotêlên 5 sêrk û nava jîyaneke lûx derbaz kirine u hevjîn û zarokên wan li derveyên Rojava ne çawa qala parve kirine nirxên gel diken. mirov eger ewqasê jî rûyên wan sor nabin, wê gavên wêrekî a PYD, TEV-Dem û mecîlîsa gel a Rojava Kurdistan û hen partî û pêkhateyên din giring be ji bo avabûneke nû. Van parîyên kû tişetke nema li dijî Rojava li piştî sînoran neken , îro tên dixwazin qaşo vegerên lê ez pêşnîyar dikem ji kerema xwe re dema hatin gurîs bir neken. Dibêjin dema salên 60an pêşmerge li hemberê Îraqê diketin şer , ji bo kû ti carî derfetê rev ji bereyên şer bi xwe neden lingê xwe bi gurîsê girê didan, ev nişana îsrar li ser şer û berxwedanî bûye û alîeke din jî eger mirov hakimê hestên xwe nebe wê bi rêbazeke pêşî reva xwe bigirta. Hen pêşnyarî min ji bo Partîyên Rojava a kû derveyê Rêvebirîya Rojava mane kû henek ked biden, dema êriş hatin ser gel li rêza pêşî de bibin şopdarê Arîn Mîrkan, wê jî nikarin nikarin biken , fêr bibin çawa rêz li îrada gelê xwe bigrin. Dema gel bi bi prî û kal , ciwan û jinan , mezin û biçûkê xwe li refa berxwedanî de ye hûn jî hen nisîbê xwe ji vê berxwedanîyê bigrin, bila dîrok dema tê rehmê bi kesêk nake. Ji berê yê vir û şude dîrokê binvîsê ne orêntalistan ne, ne jî hêzên dagîrkerane yên vê carê dîrokê dinvîsin yên kû berxwe diden ne.