No hefte kesê ke qetlîamê Pirsûs de bîbî dirvetin zî tewrê kombiyayişê HDP bî. Yuksekdag destpa kerdena qeseyanê xo de hayr ant merdişê boksor Muhammed Alî ser û va: “Erdogan kî sono Amerîka, hîn omed keme ke torenê cenaze de fikranê Muhammed Alî ya jû bibo.“ Yuksekdag vist vîrî ke ser weçinitisê 7'ê Hazîranî ra jû serr vîrd ra û va, mavênê na jû serr de îradeyê şar nêame naskerdene, şar kaosa têrî mend.
2 hezar welatizan weşîya xo kerdê vindî
Hemseroka HDP aşkere kerd ke binê namê herb de destpa tesfîye kerdişê quwetanê demokrasî kerdî û nîya va: “7'ê Hazîrane ra na het demê tesfiye kerdişî rameno. Mavênê jû serrî de 2 reye hikumet vûrnîya, 2 hezar welatizan weşîya xo kerdê vîndî, 7 qezayî bî xan û xirave.”
Yuksekdag dûştê nînan hêrsê xo ard zon û vat: “Serva xo, kistenan danê ramitene, merdenan serra xo avê benê. Name nayê ke faşîzm o. Namê na demê jû serrîn dîktatoriya. Wazene jû mesaj biderê. Tersê xo ra nîya kenê. E ke destê ci ra bêro sewa 7'ê Hazîrane dê mezgan ra bierzê.”
Tirkîye hetê Seray îdare bena
Yuksekdag hetê AKP herîşanê jû serrî zey serkewtişî damojnayiş ra kî va, serkewtiş nê rijnayiş o û qiseyê xo nîya domnay: “Şerm bikerê. Ewro Tirkîye hetê esker û Serayî ra îdare bena. Ewro Tirkîye hetê MGK ra îdare bena.”
Hemseroka HDP Fîgen Yuksekdag hayr ant Hurşît Kulter ke ame binêçim gureten û ci ra xeber nîna giroten de kî va: “Kulter bi vîndî biyayen ra têrîyo. Xora bi vernîyaze peyena ke esker rê vanê ‘çiqes wazenê bikişê, sima rê tewa nêbeno.” Yuksekdag hayr ant qiseyanê Erdoganî yê dûştê cenîyan ser û vat: “Nî heqaretê verra cenîye ke zerrê AKP de yê înan rê kî benê. Ma pêro cenî wexto ke verra na mezgê kêmî tekoşîne berz bikerime, o wext cesaret nêkenê ke jû qese bîyarê zon.
DÎHA/ENQERA