3 hefte berê li ser daxwaza zêde, li Navenda Piştgiriya Astengdaran a Midûriyeta Xizmetên Civakî ya Şaredariya Bajarê Mezin a Amedê li Qada Jiyanê ya Parka Sumerê Atolyaya Rîtîmê hat vekirin. Li Atolyeya Rîtîmê 25 xwendekar li vir perwerdehiya muzîkê dibînin. Atolyeya Rîtîmê ku li Amedê hat vekirin, ji aliyê ker, kor, lal û astengdarên bedenê ve rastî eleweyek mezin tê. Li Amedê yekem car ji bo astengaran atolyeya rîtîmê tê vekirin û ev yek bêtir kêfa welatiyên atengdar tîne. Li Atolyeya Rîtîmê ku 25 kesên astengdar dersa muzikê dibînin di gelek qadên din de jî berperde dibin. Li Atolyeya Rîtîmê welatiyên ku nabihîzin, li def, erbane darbuka dixin. Welatiyên kor ku çavê wan nabîne jî li tembûr, gitar, piyano, mizikayê dixin. Xwendekarê Atolyeya Astengdarê dîtinê (Kor) Firat Yildiz, diyar kir ku mijûlbûna bi muzîkê karekî xweş e û bi ve yekê stresa xwe davêje u wiha got: "Ez pir ji muzîkê hez dikim. Hekû kesên ku dixwazin ji jiyanê sewqî bistînin divê teqez li enstrumanekî bidin."

Atolyeya ku ji bo astengdaran hat vekirin li Amedê pêngavek yekem e. Mamosteyê Atolyeya Rîtîmê Mustafa Demîr, diyar kir ku armanca wan ew astengiyan li pêş astengdaran rakin û ji bo welatiyên astengdar jiyanek bê asteng pêşkêş bikin. Demîr, anî ziman ku armanc dikin ku welatiyên astengdar xwe astengdar nebînin û nekevin nava derûniya astengdariyê. Demîr, da zanîn ku bi vê armanc û ferasetê ji bo welatiyên astengdar di qada civakî, pîşeyî û hunerî de di nava hewldanan dene û dixwazin qada civakî bi hêz bikin. Demir, destnîşan kir ku di nava astengdaran de komên cuda hene û ji bo her komekê di qad û beşek muzikê de perwerde dikin. Demîr, diyar kir ku li gorî şert û mercên wan û hunerê wan kom bi kom cuda kirine û wan di qadên cuda yên muzikê de perwerde dikin.
Demîr, destnîşan kir ku li gel atolyeya wan nûye rastî eleqeyek mezin tên û beşa muzîkê rastî eleqeyek mezin tê.
Xwendekara Atolyeya Astendara Guhdariyê Fatma Bayram bi zimanê îşaretê û bi riya mamoste Şeyma Yellilerê diyar kir ku berî bê Atolyeya Ritimê tenê ji dibitanê diçû malê û ji malê jî diçû dibistanê, lê niha qadek din di jiyana wê de vebû û ev yek wê kêfxweş dike. Bayram, anî ziman ku tev li atolyeyên folklor, voleybol û Ritimê dibe û ev yek bêtir wê çalak û bi moral dike. Firat Yildiz jî bi hatina atolyeyê kêfxweşiya xwe anî ziman.

AMED