Dêrsim de hetê Platformê Hunerî yê Gola Çetu aktîvîteya hunerî ke 2 rojî dewam kerd, ame viraştene. Muhtewaya na aktîvîte de resim, muzîk, estanike û sewbîna xebatê bînî ameyî organîzekerdene. Aktîvîte bi sergîya resim û fotografan dest pêkerd û xeylê bajaranê Tirkîya ra 55 hunermendî beşdar bîyî.
Perwerdekare Seher Kont Erdogane va ‘tîya de muzîk û hunerê bînî estî, labelê hunerê plastîkî rê eleqe tay o’ û wina domnaye: “Ewro muzeyê ke raya pêroyî rê akerde yî, çin î. Ma zî waşt ke nê bizêdnî. Par embazê ke tîya ra beşdar bîybî gelek bî. Mîyanê nê embazan de hem embazê fotografkêşî û hem zî resimviraştoxî estbî. Emser xeylê bajaran ra embazê cîyayî ameyî. Ma hêvî kenî ke nika ra pey seba nê hunerî zî eleqe zêdîyeno.” Aktîvîte bi cinitişê muzîkî qedîyaye.
PÎRHA/DÊRSIM