Operasyono ke 14ê Kanûne de, badê dirbetinkerdinê jew fermandar û 5 eskeran dima, mavêna qezayê Melkişî û Xozat dola Alîbogazi de dest kerd ci rameno.
Skorsky û kobra tewrê operasyon benê
Herzewbîn helîkopterê Skorsky û Kobra kî tewrê operasyon biyê. Goreyê zonayişan 2 tabûrî cendirmeyî û tîmê herekatê teybet tewrê operasyon biyê. Vizêr kî teqwiyeyê newî yê eskerî sewqê cayê operasyon bîy.
Operasyono ke verra gerîlayanê HPG û TÎKKO ame destcikerdin, mintiqeyê Bozan yê dola Alîbogazi de qewimeno. Helîkopteranê Kobra cayanê gerîlayan asmenî ra bombevaran kerd.
Goreyê îdiayan pirodayişan de jew gerîlayê TÎKKO weşiya xo kerd vinî. Goreyê zonayişanê ke hetê herem ra amey giroten, helîkopteran dewê veng-tol bombevaran kerdî.
DÎHA/DERSIM