Quwetanê dewlet 18ê Adar de Dersim de eştî keyeyan ser û 8 wendekarê Zangeha Dersim girotî bin çiman. Wendekarî badê îfadedayen sewqê mahkeme bî. Wendekarî 2014î ra rîwalê tewrbiyenê merasîmê vîrarden, aşkerekerdişê çapemenî bi sûcê ‘Kerdinê propagandayê rêxistin’, ‘Muxalefetê nûmayiş û şiyayiş’, ‘Manîkerdişê heqê perwerde’ amey sûcdar kerdin.
Heyetê mahkeme wendekaran ra Bîlal Sartik û Alîcan Evcîm Adli bi şertê qontrolî serbest verada. La wendekaran ra Resûl Kit, Hasan Kemal Erdede, Pelda Ulker, Nûrsoyle Beyhan, Mûrat Osman Eroglû û Baranî Yîgît bi îdiayê ‘Kerdenê propagandayê rêxistin’ tepêşiyay. Wendekarê ke tepêşiyay ruşniyay girotxaneyê Tîpê E yê Elezîz.
Heto bîn ra, Xarpêt de zî vizêr quwetanê dewlet eştî keyeyan ser û 3 kesî girotî bin çiman. Kesê ke amey binçimkerdin rişiyay midûriyetê emniyetê sûk.
DÎHA/DERSIM