Dêrsim de polîtîkayê şero taybet

FÎLÎZ ZEYREK  / JINNEWS/EDENE

Dêrsim ser o tarîxê Komare ra nika polîtîkayê taybet yenî şuxilnayiş, bi kamerayan 24 saet zî Dêrsim yeno şopnayiş la çi heyfo ke Gulîstan Dokuye ra hema zî xeber nêame girewtiş. Hem malbata a hem zî sazîyê cenîye Dêrsimî ra şîyê û waştê Gulîstan Dokuye bêro vînayiş. Vînîbîyayişê Gulîstan Dokuye ser o Wekîla Edeneyî ya HDPî Tulay Hatîmogullari qise kerd.

Wekîla Edeneyî ya HDPî Tulay Hatîmogullari vat ke demê kewtişê Dêrsimî kerra daxî yenî gêrayiş la senî bena Gulîstane vînî bena û wina domna: “Dêrsim de her ca de kamera estê, qey nê kamera nêameyî cigêrekerdiş. Seba pîyê Zaynal Abakarov polis o, no ser wazenî hedîseyê ser biqefelnê. Ganî roşnkerdişê pêroyine ser o hêzê dewlete aşkerayêk bidê.”

Hatimogullari bal ont hetgirê AKPî bi rehetê merdim kişenê ser o û wina domna: “Ma dîyî ke bi rehetê hetgirê AKPî demo ke merdim kişenî dosyaya înan yeno qefelnayiş. No ser zî vînîbîyayişê Gulîstane ra ma şîkker ê. Hetanê nika malbata şîkkerî qey îfadeyê înan nêame girewtiş. Senî Zaynal Abakarov ra destûra teberê welatî ame dayiş. Dayika wekîla ma Nuran Îmîre, bi rehet yena binçimgirewtiş û peynî zî heqê a de qerarê tebervejyayişê welatî yeno dayiş la bi Zaynal Abakarov vejîyeno teberê welatî. Bi aşkera dada Tirkîye no merdim pawiyena. Ganî Pêmayişê Stenbolî bi lezî bêro şuxilnayiş.”