Dêrsim de tewro peynî hedîseyo gird vînîbîyayişê Gulîstan Dokuye bî, hetanê nika kultirê Dêrsimî de cînayet, vera cenî şuxilnayişê şîdetî, îstîsmarê domanan çinêbî la belê demê peynî de bi destê qorîcî û lejkeran nê hedîseyê leymin yenî kerdiş.
Babete ser o Sekreterê Pêroyin ê Komeleya Elewî yê Demokrata Azadî (ODAD) Bulent Felekoglu û Serekê Komeleya Hetkarî û Kultirê Dêrsimî Metîn Yildiz qise kerdê.
Sekreterê ODADî Bulent Felekoglu goreyê dewlete bawerîya Dêrsimî ser o, ganî cografyaya Dêrsimî bêro vengkerdiş, Dêrsim, îqtîdar xo rê teluke vîneno û wina vat: “Komere rê nika dewlete bi Planê Islahatê Şarkî wazeno cografyaya Kurdistanî asîmîle bika. No ser tewro peynî de Dêrsim hedîseyê leymin yenî cuyayiş.”
Teda û zilmêko gird estê
Serekê Komeleya Hetkarî û Kultirê Dêrsimî Metîn Yildiz zî aşkera kerd ke Dêrsim de polîtîkayê dewlete guya ewlehîye ser o yenî kerdiş û wina domna: “Dewa min de polis min rê nasname waşt, no zî binê nameyê ewlehîye de kenê. Taybetî ciwanan rê teklîfê sûxirî yenî kerdiş. Wazenê ciwanan yewbînan rê bidê pirodayiş. Dêrsimijî bi kultirê xo estê. Dêrsimijî binê zehmetî de cuyenê.”
Yildiz tewro peynî aşkera kerd ke Gulîstan Doku kotî de ya û wina qedîna: “Gulîstan keynaya ma hemin a. Ganî ma domananê xo rê wayîr bivejê. Ma do bawerî û kultirê xo rê wayîr bivejê.”
MA/STENBOL