Rojê peynî de elewîyan ser o hedîseyê teda û gefwendişî zêdîyayê. Dêrsim de zî vînîbîyayişê Gulîstan Dokuye û Pêrtag de zî vera domanan îstîsmarê cînsî hema zî rojdemî de yo. Babete ser o Sereka Peroyine ya DADî Saîme Topçu qise kerd.
Sereka Peroyine ya DADî Saîme Topçu vat ke îqtîdarê AKPî elewîyan seba ke wayîrê Bawerîya Rehakî vejîyenê, no ser nêrehet o û wina vat: “Demo vîyarte rê nika dewlet bi sistematik wazena elewîyan asîmîle bika. Çi heyfo ke kultirê ma yê ocaxî vînî bî, seba ke ocaxê ma yenî girewtiş, no ser ma nêeşkenê rêxistînîya xo awan bikê. Goreyê ma bê rîzayê merdimî kerdişê her çik tecawiz û îstîsmar o.”
Gulîstan Doku kotî de ya
Sereka Peroyine ya DADî Topçu bal ont ser polîtîkayê peynîyê Dêrsimî ser o û wina domna: “Tewro peynî hedîseyê ke yenî cuyayiş, vîra merdimi Terteleyê 38î aneno. Vera cenî û domanan hedîseyê tacîz û tecawizî yenî kerdiş. Dêrsim nika bîyo bajarê lejkerî. Ma persenê Gulîstan Doku kotî de ya?””
Tewro peynî Topçu pare kerd ke ê elewîyî qet silgirê dewlete nêbenê û vera polîtîkayê dewlete zî do têkoşîn bidê.
JINNEWS/ STENBOL