Konferanso ke hetê Şaredarîya Dersim û Cemîyetê Newede ra Înşakerdişê Dersim virazîyeno 4ê Gulan de destci keno. Xêlê akademîsyen, sîyasetmedar, mexdûrê Tertelê tewrê konferansî benê. Bernameyê hera yê konferansî hina yo:
Konferans 4ê Gulan 2016î de, seat 13:00’î de bi ronistisê rakerden destci keno. Na ronistenî de Pîrê Alewî, Hemşaredara Dersim Nûrhayat Altûn, Hemseroka HDP Fîgen Yuksekdag, Azayê Desteya Rayverîn yê Cemîyetê Newedera Înşayê Dersim Alî Ekber Aslaner, Sekreterê YNK Mele Bextîyar na ronişten de qisey kenê. Herzewbîn derheqê qirkerdisî de sînevîzyoneke kî yeno damusnayen.
Ronistisê I.
Ronistisê I. yê Konferansî de: Babeda “Qewimyayisê 1935-38î û rolê dewlet” bi moderatorîya Ergun Babahan yena qiseykerden. Babeda “Siyayis ra heta na roj; Dersim de kamîyê etnîk û îtiqatî” hetê akademîsyen Dilşa Denîz, “1937-1-38 gam bi gam vera qirkerdis û raporanê fermî de Dersim” hetê nuştox Mûnzûr Çem, “Bi merhaleyê û hetanê cîya Qirkerdisê Dersim” hetê Doç. Dr. Bulent Bîlmez, “Plana Şarq Îslahat” hetê cipersyayox û nuştox Dr. Îsmaîl Beşîkçî yenê dayen.
Ronistisê II.
Ronistisê II. yê Konferansî de: Babeda “Bi çimê şahîdan 1937-38 Dersim” bi moderatorîya Çîlem Kuçukkeleş yena munaqaşekerden. Na ronistisî de Şahîdê Tertelê 1937-38’î Alî Hidir Şahîn û Yemoş Bakîray dê dîyayisanê xo bîrayê ser zon. Dîrokzan û nuştox Tûrabî Saltik do babeda “Dersim û tesîrê sirgûn û asîmîlasyonî” ser de qisey bikero. Herzewbîn babedê zey:
* Tarîxê fermî, raştîya Dersim û raştîyê ke hometa Tirkîye ra yenê nimiten (Nuştox Oya Baydar)
* Qirkerdisê Dersim û Hiqûqa Mavênneteweyî (Prof. Noam Paech)
* AKP, CHP, krîzê dewlet û rîbirî ameyisê bi sîyayîsî ( Nuştox, Rojnameger, Prof. Dr. Mehmet ALTAN)
* Dersim, Enfal, Helepçe û Hafizeya Wertex (Serokê Polîtburoyê YNK Mele Bextîyar)
Ronistisê III.
Konferanso ke 5ê Gulan de dewam keno de, ronistisê III. de babeda: Hiqûq, Dersim 1937-38 û gamê ke amey esten” bi moderatorîya Pawitox Nîhat Kaygalak rameno. Zewbîn enê babedê cîya kî yenê qiseykerden:
* Dersim 1937-38 Hiqûqa mîyanî de raya ke qurbanî taqîp bikerê (Pawitoxê dawa Tertelê Dersim Erdal Dogan)
* Dersim 1937-38, serva dewlet û civakan muhîmîya rîbirî ameyisê qirkerden (Yard. Doç. Dr. Kerem ALTIPARMAK)
* Ewnayisê civakê Tirkîye yê 1937-38, verhikumî û rîbirî ameyisê bi sîyayîsî (Hiqûqzan û Parlamenterê HDP Prof. Mîthat SANCAR)
* Heqê esasî û feydeyê rîbirî ameyîsî serva hasîtîyê civakî. (Serokê Mazlûm-Der’î Ahmet Faruk UNSAL)
* Numûneyê Kamboçya, zeypêyenî, hiqûqa mavênneteweyî û raya ke bîro taqîpkerden. (Serokê ÎHD Pawitox Ozturk TURKDOGAN)
* Qirkerdenanê Dîna de numûneya Dersim (Pawitox û Dozgerê Trîbunalê Kamboçya Christine MARTÎNEAU û akademîsyen Eleonora IANNOTT
Ronistisê IV.
Rornistisê IV. bi moderatorîya Halûk ÇELÎKTAŞ destci keno û nî babedî ca gênê:
* Medyaya Tirkîye de raştîya Dersim 1937-38 û Têgînê ke amey afirnayen. (Pisporê Medya Ragip Dûran)
* Dersim ra Cizîr, Sûr ra Sîlopya Polîtîkayê dewlet ke amey cuwyayen û zeypêyînî. ( Rojnameger-Nuştox Celal Başlangiç)
* Sûr, Cizîr û Sîlopya (Şahîdî)
Ewnayisê Dînayê Îslam yê Dersim (Rojnameger Saît SEFA)
Ronistisê V.
V. Ronistisê Konferansî bi moderatorîya Fadil OZTURK’î destci keno û babedê ke yenê qiseykerden hina yê:
* Tertelê Dersim, tesîro ke kerd û Travmaya Civakî (Akademîsyen Doç. Dr. Nazan USTUNDAG)
* Mavêna Qirkerdisê Ermenî û Tertelê Dersim de zeypêyisî
(Nuştox Pakrat ESTUKYAN)
* Îadekerdenê nameyê Dersim û problemê nikayî (Parlamenterê HDP yê Dersim Alîcan ONLU)
* Tesîrê qirkerden ser ekonomî û perspektîfê çarekerdisî (Serokê Odeyê Bazirganî yê Dersim Yusuf CENGÎZ)
* Ewroyîya Dersim, sîyaset, ekonomî û kiltûr (Doç. Dr. Ş. Gurçag TUNA
Badê qiseyan verra şanî program bi girotiş û askerakerdisê peyenî rameno. Na ronisten de kî Hemşaredarê Dersim Mehmet Alî BÛL, Xêro TALABANÎ, Pawitox Fatma KALSEN, Cemîyetê Newede ra Înşakerdisê Dersim Hasan TAŞ, Pîrê Alewî kî dê na ronisten de hadre bê. Lorikê 1937-38 yê Dersim, Mîkaîl Aslan, Metîn Kahraman û Erdogan Emîr’î kî badê konferansî de lorik û klamanê xo vanê.
Heto bîn ra pankartê ke serva Konferansî sûk de amey aliqnayen hetê polîsan wedarnîyayî. Şaredarîya Dersim kî nameyê cayê ke qirkerden virazîya bi panqarteke şîya aliqna bana xo.
Ewro kî Hemşaredarê Dersim, Temsîlkarê Cemîyetê Newede ra Înşakerdisê Dersim, Hiqûqzanî, Komeleyê Heqê Merdiman, DHF, DP û temsîlkaranê HDP zinaranê ’38î zîyaret kenê.
ANF/DERSIM