Verra seydvanê ke 1’ê Mijdar’î de ser sûcî amey tepişten, nêrazîbiyenê Dersimijan rameno. Pîr û hunermendanê Dersim jew otelî de damûstayîn day û seydvaniyê rê nêrazîbiyen damusnay.
Herzewbîn Hemşaredarê Dersim Mehmet Alî Bûl ra piya, Cemiyetê Çapemeniyê Dersim, Hewldayenê Pawitenê Mîrasê Xozayî û Kiltûrî yê Dersim, Komeleya Pawitenê Ciwyana Xozayî yê Munzûr ra piya xeylê komeleyê Dersim tewrê damûstayîn bî.
Hunermend Metîn Kahraman’î ard zon ke, îtiqatê Alewitî de pêrokîn ganî muqadesê. Dersim bi se serrano bi xoza ra piya ciwyenê. Pezkovî kî leteyê na xoza yê, mûqadesê. Nayî ra kes zerar nêdano pezkoviyan.
Wayrê mîras û kiltûrê xo bivejime
Serokê Cemiyetê Çapemenî yê Dersim Ercan Topaç vist vîrî ke wextanê peyenî de seydvanî bî jêde û va: “Seydvanan 1’ê Mijdar’î roja weçînayinan xo rê zey firset dî. Seweta seydvanî kî dem serra zabiyîn weçînay.
Ma pîtene ke, seydvanî hetê sermiyanan bi temamî bîro qedexekerden. Topaç’î veng da şarî ke, seweta rengîniya biyo-kiltûrî yê Dersim seveknê wayrê mîras û xozaya xo bivejiyê.
Badê damûstayina çapemenî Pîr’an dua wend û loxme kerdî vila. Heta bîn ra, seweta ke, verra pezkoviyan tûrîzmê seydvanî biqediyo, kampanyeya îmze dest kerd ci.
ANF/DERSIM