Kurdistan de qedexekerdişî bêmaben dewam kenî. 30ê adare ra nata merkezê bajar û 31 cayanê cîya-cîyan yê 4 qezayê Dêrsimî de qedexeyê tebervejîyayîşî ameybî îlankerdiş. Qedexeyê tebervejîyayîşî ra dima dewijê ke karê miqatekerdişê mêsê hengemînan kenî, nêeşkenî şêrî zozanan û mêsê xo yê hengemînan miqate bikerî.Babete ser o Çîçek Koseya ke dewa Yalinkayaya qezaya Pêrtegî ya de cuyena qisey kerde.
Koseya ke 25 serrî yo berîvanî kena û wayîrê 250 heywananan a, wina va: “Ma qedexe û şerî ver nêeşkenî heywanan miqate bikerî. Ma krîzê ekonomî ver nêeşkenî şêrî sewbîna bajaranê bînan de heywananê xo miqate bikerî. Weşîya tebîetê Dêrsimî ti cayan de çin a.”
Krîzê ekonomî her ca de esto
Koseye bale ante krîzê ekonomî ser û wina ve: “Krîzê ekonomî her ca de esto. Cok ra ma nêeşkenî xo cayê xo ra bileqnî. Ma fekê berê xo ra vîşêr nêeşkenî heywananê xo bîşêrî sewbîna ca. Heywanî 24 saetî axur de yî. Wexto ke ma bîşêrî teber zî ma nêewtanenê ke çimê xo padî. Axurî qîmê heme heywananê dewijan nêkenî. Ma na rewşe ra eciz bîyî û keda ma yena pelçiqnayîş.”
ŞÛJIN/DERSIM