Kargapazar girotiya bin ablûqe
Dewa Kargapazar yê qezaya Çewlig Kanîreş vizêr hetê quwetanê dewlet bi wesayîtanê zirxî girotiya bin ablûqe.Eskerê ke çormeyê dew girotî, yew bi yew kêyeyan (çêye) de geyrayiş kerd. Netîceyê geyrayişî de Şaredarê verên yê Kanîreş yê DBP Ferît Çelîk ra piya 17 welatijî girotiyay bin çiman.
Çelîk ra piya, Abdulbakî Surmelî, Emre Soylemez, Muharrem Ûzûn, Yakûp Ûzûn, Mehmet Înce, Resul Demîralp, Yûsûf Demîralp, Behçet Ozmen, Ethem Ozmen, Muştak Ozmen, Alî Çelîk, Cengîz Aral, Hatîp Gultekîn, Medîn Aydin, Sadî Avci, Bakî Nalçaci girotiyay bin çiman. Şaredarê verên Ferît Çelîk berdinî midûriyetê emniyet, welatijê bînî zî berdinîy qereqolê cendirme yê qeza.Ferît Çelîk 5ê Nîsan 2012 de zî çarçoveyê operasyonê qirkerdenê siyasî de abebi tepişten û badê di serran, 2014î de serbest amebi veradayen.
Herzewbîn vizêr sûkanê zey Colemerg, Batman, Mêrdîn, Sêrt, Riha, Şirnex û Enqera de zî operasyonê qirkerdinê siyasî estbî. Qûwetanê dewlet nê cayan de operasyonê qirkerdenê siyasî ramitî û bi desan kesî girotî bin çiman.
DÎHA/NAVENDÊ XEBERAN