Emel 16 serra bî, wendişê xo yê lîse nîme de veraday û seba paştîdayîşê Cizîr vejyaybî rayîr û xo ra dima xeyalê xo yê azadî veraday. Derheqê cuya Emelî de malbatê aye qalî kerdî.
Merdim senî kişeno
Ema Emele Rabîa Ayhan ciresna ke Emel her çend ke 16 serra bî zî hem wendênê û hem zî xebetyaynê û wina vat: “No 15 rojiyo ke ma sûk bi sûk cenazeya Emel gêrenî. Tewr peynî bi maya xo reyde qalî kerdbî û vatbî; ‘Heme embazanê ma qetil kerdî, ma tenya 4 kesî mendî’. Ganî gonîya nê merdiman ardî de nêmano. Merdim senî eşkeno nê vilan bikişo?”
Datê aye Yahya Ayhan zî ard ziwan ke Emel bê pîyî pîl bî û wina domna: “Semedê ke wijdanê Emel qebul nêkerdê, waşt dêsê xoverdayîşî de biba kerpîçêke û amey Kurdistan. Cenazeyê ke ma nawitî heme ameybî veşnayîş. Xendekan sey mehne nîşan danî û bi tanq û topan hêrişê şarêkî kenî û înan qetil kenî. Veşnayîşê merdiman yeno çi mana? Emel seba ke dijî no zilmî xover bida, ameybî Kurdistan.”
JINHA/ŞIRNEX