Koluman dîyar kerd ke di darazîya domanan de rêgez ser nimiteye yo, no ser zî sînorê deşîfrekerdişê domanan dîyar o, qanûnê 90’ina mekaqanûnê de Tirkîya heqê domanan de het gêno û wina vat: “Ganî dewlet di zereyê huqûqê zey huqûqê teberî bişuxulno. Goreya qanûnê domanê ganîyo ke heqê domanan de heme averşîyîş bi nimite bêro kerdiş. Eke yew doman bêro deqkerdiş û bêro aşkerakerdiş no demî qewimyayişîke merdim nêeşkeno verîya bigêro bêro cuyayiş.”
Bi pergalî deşîfre
Koluman wina vat: “Yew dorûver esto ke no qewimyayişî zey yew îxmal mojneno, hetta xeteya yew karmendo est o vano. Ma vînenîke xebatkarê Mudirîya Perwerdeyîya Neteweye no karê bi hişyarî kerdî. Ma persî seba çi no kerdî, ma netîce reyde elaqadar benî. Di mîyanê de pergalî yew xebat est o. Verê teşhîrkerdiş yew xebat est o, sifteyin di 23 kanûne 2014’ê de 200 domaneke beşdarê çalakîyê Kobanê bîyê amey teşhîrkerdiş û hetta bi kamîya xo T.C.ê amey deşîfrekerdiş. Ma seba qewimyayişî hîna weş banderbîyîşî di 25 kanûne de yew pêvînayiş viraşt.”
Ma her tim bişopnî
Koluman aşkera kerd ke çarçiweya SODESî yew proje ameyo hadrekerdiş, guya armancê no projeyê zî domanan kûçeyan ra komkerdiş û peynî zî komeleye ra bêro qezenckerdiş û wina domna: “Tena 200 domaneke beşdarê çalakîyê Kobanê bîyê, 900 domanê çarçiweya no projeyê amey deqkerdiş û eke no proje serkewt bibo se do peynîya zî bêro. Ma şî Mudirîya Perwerdeyî ya Neteweye dosyayê vîna, ma berpirsîyarê qewimyayişî reyde zî pêvînayiş viraşt, ma bander bike emnîyet wazena nê domanan çarçiweya no projeyê bido şuxulnayiş. Di mîyanê bi pergalî û hera yew sûc est o û no ser zî ma şopnakar bibî.”
AMED