3 aşmî yo ke qezaya Sûrî de rijnayîşî dewam kenî û tehdîtê selahîyetdaran dewam kenî. Selahîyetdarî keyeyê ke seba rijnayîşê keyeyê xo îmze nêeştî, wazenî bi îmzeyanê sexte û kayanê bînan bixapênî. Labelê taxijî qebul nêkenî û keyeyê xo nêwazenî.
Babete ser o taxijî qisey kerdî. Mevlude Ake va ‘keyeyêk û dikanêkê ma estbîy’ û wina dewam kerde: “Ma bi keda xo keye û dikanê xo viraştbî. Heta nika dewlete seba Sûrî çîyêk nêkerda. Nika bi kamcîn heqî yenî û ma bananê ma ra vejenî. Bi serran o ke qet persê ma nêkerdî, labelê ewro ameyî wazenî ma banan ra vejî. Ê şarêdarê ke vanî hetkarî dayî terorîstan, her roje persê ma kerdênê. Kêmanîya înan zî estbîye labelê heqê ma dayêne ma. Ma ti kesî ra nêtersenî, wazenî wa bêrî ma tewqîf bikerî.”
Bêîmze rijnayî
Fatma Bîçera ke Taxa Lalebeyî de cuyena zî va ‘bînaya 5 katin ke dikanê lajê mi zî binê aye de bî, bê îmzeyê wayîrê înan ameye rijnayîş’ û wina domnaye: “Lajê mi tîya de nîyo û domanê ci zî hetê mi de manenî. Ê do nika se bikerî?Nînan de çi wijdan û çi zî edalet esto. Hemînan seba pereyî kerdî koleyê xo. Seba ma Sûr tena ziqaqî nîyî, sey keyeyêk o. Wa dest nêdî ma û Sûrî ro.”
AMED