Binê banê Zanîngehê Tuncelî de sifte bi nameyê Navenda Cigêrayîşê Elewîyî, nika zî cayê na navende, Enstîtuyê Elewî-Bektaşî asîmîlasyonê elewîyî ser o xebat keno, dijî nê xebatî zî roşnvîr, hunermend û sîyasetmedarî ameyî yew ca. Roşnvîrê elewîyî 143 îmze kom kerdî û aşkera kerdî ke navenda bawerîya elewîyî Dêrsim de bi no enstîtu wazîyeno ke bawerîya elewîyî bi sentezê tirk-îslamî bêro helênayîş. Roşnvîrê elewîyî ra seba hetkarîyî nuştox Ayşegul Devecîoglu, profesor Oran Baskin, rojnameger Fehîm Işik, îlahîyatnas-nuştox Îhsan Elîaçik zey îmzager beşdarî kampanya bîyî.

Roşnvîrê elewîyî aşkera kerdî ke elewîyî hetanê nika dewlete ra tena zilm dîyî, no ser zî elewîyî dewlete ra enstîtuyan nêwazenî û wina vatî: “Elewîyan wazenî bawerîya xo bi azadî biciwî û no ser zî nêwazenî bawerîya înan ra teberî ra hêrişêk bêro kerdiş û newe ra bawerîya înan bêro namekerdiş. No ser zî ma heme teberî ra hêrişî bawerîya xo red kenî.”

Metnê Kampanya

Metnê kampanyaya roşnvîrê elewîyan wina yo: “Tewr peynî serran de binê nameyê heqê elewîyî xebatê akademîk de, tay zanîngehê binê banê xo yewineyan awan kenî. Nê yewineyan ra yew zî navenda bawerîya elewîyî Dêrsim de, Zanîngehê Tuncelî de bi nameyê Navenda Cigêrayîşê Elewîyî ame awankerdiş la na navend tena bî navenda tebaleyî. Armanê nê yewineyan cigêrayîşê elewîyî nîyo, binê no nameyê wazenî projeya Tashîhê Îtîkadî yê hetanê Osmanijan ra domyena, bidomnî. Encax na proje tena ‘helênayîş’ o. Ma çend heb finak bidî; goreyê xebatê nê yewineyan destpêka elewîyî seserrê 13’yine ya û dîroka qadîm a elewîyî çin yena hesipnayîş û wazîyeno heqê elewîyî de verê xebatê raştî bêro birnayîş. Seserrê 13’yine yanî demê Selçukijan şono di şeklî yeno dayîş, yew mislimankerdişî elewîyan diyin zî elewîyan peynîya şerê Safevî û Osmanijan zey cîyabîyayîş nîşan donî. Elewîyan wazenî bawerîya xo bi azadî biciwî û no ser zî nêwazenî bawerîya înan ra teberî ra hêrişêk bêro kerdiş û no ser zî ma heme teberî ra hêrişî bawerîya xo ra red kenî. Wa dewlet destê xo rayîro qadîm o elewîyî ra bianca!” 

Heto bîn ra Şaxê Egîtîm-Sen yê Dersim derheqê Rektorê Zangehê Tûncelî Ubeyde Îpek de rîwalê wezîfedarkerdişê bê ûsûlî û girotişê azayê perwerde de gerre yê sûcî kerd.   


 ANF/STENBOL