Ciwanên Welatparêzên Kurdistanê, bi beşdarbûna Tevgera Azadî ya Civaka Kurdistanê û hejmarek partiyên siyasî yên li parêzgeha Helebce civînek hate li darxistin li ser dagirkeriya dewleta Tirk. Di civînê de weke cihên din, li dijî dagirkeriyê ‘Desteya Parastina xaka Kurdistanê’ avabikirn.
Piştî civînê, civîna çapemeniyê hate li darxistin. Di civîna çapemeniyê de nûnerê Yekgirtûya Îslamiya Kurdistanê Mucahîd Emîn encama civînê ragihand û got; “Bi pêşengtiya Tevgera Azadî ya Civaka Kurdistanê îro Yekgirtûya Îslamiya Kurdistanê, Tevgera Goran, YNK, Komeleya Îslamiya Kurdistanê, Tevgera Îslamiya Kurdistanê, Partiya Komunîsta Kurdistanê û Tevgera Azadî ya Civaka Kurdistanê civiyan. Di civînê de biryar dan ku desteyekê ji bo parastina xaka Kurdistanê ava bikin. Di rojên pêş de bi çalakiyan emê helwesta xwe ya li dijî hebûna leşkerên Tirk ên li Herêma Kurdistanê û her welatekî din be nîşan didin.”
Hevserokê Tevgera Azadî ya Civaka Kurdistanê yê herêma Şarezûr Soran Hesen axivî û wiha axivî; “Di rastiyê de her çar parçeyên Kurdistanê dagirkiriye û pêwîste hemû aliyek li dijî dagirkeriya rawestîn. Bi taybet aliyên Başûrê Kurdistanê li dijî hebûna leşkerên Tirk ên li ser xaka Herêma Kurdistanê rawestin. Ji ber ku hatina leşkerên Tirk a li Başûrê Kurdistanê û li ser sînoran karekî metirsîdare.”
HELEBCE