15ê Tebaxe de wexto ke serrgêra qetlîyamê dewa Koço ameyêne vîr ardene, merasîmêke ameye viraştene. Wextê agêrayîşî de teyarayê dewleta tirkî herême ser o bombe varnayî û netîceyê hêrişî de endamê Koordînasyonê Êzidîyan yê Şengalî Zekî Şengalî (Îsmaîl Ozden) şehîd kewt.
Babete ser o KCKyî îzehetêk dayo. KCKyî dîyar kerdo ke no hêriş wexto ke Serekwezîrê Îraqî Haydar Abadîyî Anqara de pêvînayîşî kerdênê ra dima bîyo û no zî bala merdimî anceno. KCKyî wina vato: “Şar û tevgerê ma do vera no hêzo qetilkar de têkoşînê xo berz bikero û hesabê nê hêrişan biperso.
KCKyî îzehetê xo de vato ‘ma hemrayê xo ke Endamê Konseyê Caardişî yê KCKyî bi bi rêzdarî vîr anî’ û wina dewam kerdo: “No hêriş dewamê hêrişê 3ê Tebaxe yo. Goreyê melumatê ke Şengal ra ameyî girewtene; no hêriş bi hemkarîya PDK û hetê ke nizdîyê Îraqî yî bîyo. Ganî hukmatê Îraqî îzehet bido. Hukmatê Îraqî verê cû nîşan dabi ke ê vera hêrişê Şengalî de yî, gelo nika peymanêk viraştî? Êzidîyî her ca de payan ser o yî. Tîya de Îraq, Amerîka û PDK berpirsîyar î.”
KCKyî îzehetê xo de wina vato: “Wexto ke DAIŞî hêrişê Şengalî kerd, Mam Zekîyî vera xo da Şengal û ewja de rayberî kerd. Mam Zekî na çarçewa de bi şewe û roje xebetîyayo. Şarê êzidî do Mam Zekîyî xo vîra nêkero û xoserîya xo awan bikero. Ma veng danî heme êzidî û şarê kurdî ke wa xoserîya Êzidxanî bipawî. Dewleta tirkî bi qetlîyaman peynîya xo nizdî kena. Şar û tevgerê ma do hesab bipersî. Wa biqehirî dişmenê kurdan û dewleta tirkî ya dagîrkere. Wa bicuyo Êzidxano xoser û demokratîke.”
ANF / BEHDÎNAN