Dewa Riçikî ya qezaya Mazgêrdî ya Dêrsimî ya ke tede 64 kesî ciwîyene de keyeyêko Stenbolî ra ameyo de 2 ferdanê ci de Vîrusê Koronayî ame tesbîtkerdene. Dewe gerîyaye karantîna. Goreyê zanayîşanê ke ameyî girewtene hemwelatijo bi nameyê H.Dyî yê ke Edene de ciwîyeno di heweteyî verê cu şîyo Stenbolî maye û waye/birayê xo girewtî şîyo dewe. No keso ke qala ci yena kerdene 4 rojî verê cu nêweş kewt û bi ambulansî ame berdene nêweşxaneyê dewlete û ey de Vîrusê Koronayî ame tesbîtkerdene. Dima ra eynî keyeyî ra S.D zî bi janê Korona kewt û nê keyeyî ra 4 kesê bînî ameyî berdene nêweşxaneyê dewlete û gerîyayî karantîna. Dekewtiş û vejîyayîşê dewe zî ameyî girewtene û gerîyaye karantîna. Ame vatene ke badê karantîna dewijan rê lapîk û maskeyî ameyî vilakerdene. DÊRSIM