Şahîn vat ki, biyayişê kiştişê Serap Eser, a rayverê tirk tim anê ziwan, wezîfedaranê dewlet bi xo kerda.
Hevserokê HDP Selahattîn Demîrtaş jî verî vatbi ki, wezîfedaranê dewlet Serap Eser kişta.
8"ê mijdara 2009 de, peyniyê jew êrişê molotof-kokteylin ê vera otobusa şaredarînê Estenbolî, Serap Eser a 17 serrî merd.
Sernî de, Serokwezîrê ê çaxî Tayîp Erdogan, rayveranê tirk bi serran çi wext fekê xo akerdê ena mesela ardê ziwan û Hereketê Azadiyê Kurd sûcdar kerdê. Erdogan û rayveranê tirk îdîa kerdê ki, gençanê PKK êrişê otobus kerdo û Serap Eser kişta.
La belê wezîrê verîn ê karanê zerî ê tirk Îdrîs Naîm Şahîn, rastiya enê êrişî îtîraf kerd.
Şahîn jew rojnameyê tirk rê qisey kerd û vat ki, wezîfedaranê dewlet êrişê otobus kerdo û Serap Eser kişta. Bi enê îtîrafiya fina bîn vejiya werte, jû biyayişa bîna rayedarê tirk Hereketê Azadiyê Kurd sûcdar kerdê, wezîfedaranê dewlet bi xo viraşta.
Demirtaş watibi
Hevserokê HDP Selahattîn Demîrtaş jî, 13"ê sibata 2012 de eleqe antbi meseleya kiştenê Serap Eser ser. Demîrtaş wina vatibi: Endamê MÎT"ê ki, dewlet rîştê ma miyan, Estenbol de Serap Eser kişt, Cizîr de Keyeyê Wendoxan û Wan de banka veşnê.
Verê nikay, endamê kontir-gerîlayê tirk Ayhan Çarkin jew sûcê gird ê dewleta tirk îtîraf kerdbi. Çarkin vatbi ki, komkiştena 20"ê hezîrana 1987 ê dewa Pinarcik ê Mehsera Mêrdîn, înan bi xo viraşta.
Çarkin îtîraf kerdbi ki, înan jû bebeka piya, 32 dewijî kiştîbî û mesûlîna ay jî eştibî PKK ser. Medyaya tirk jî bi serran fotrafê a bebek mûsnayê û PKK .