Komîteyî hayr ant zext û zorvajîyê dewleta tirk yê vera ziwanê kurdî ser û vist vîrî ke dewlet serva ke qirkerdişê ziwanî virazo azayanê herbê taybet ruşena her cayê Kurdistan. KCK da zonayen ke dewlet qeçekê (doman) ke bi ziwandê xo de qisey kenê rê îşkence kena û cezayan dana û wina dewam kerd: “Xoverdayişê dayikan heta cayekê ziwanê ma sevekna. Sazgehê ke serva aver berdişê ziwanî abîyayî nika bin zextekê girdî de yê. Fîrazkerdişê Roşanê Ziwanê Kurdî, rîwalê polîtîkayanê pûç û çinîkerdişî hona vêşêr muhîm o.”
Komîteyê Ziwan û Perwerde yê KCK da zonayen ke serkewtişê Şoreşê Kurdistan girêdayê hemleya perwerde û raver berdişê Netewa Demokratîk o. KCK vist vîrî ke daîmî kerdişê Roşanê Ziwanê Kurdî, serbestîya Rayverê Şarê Kurd Abdullah Ocalan’î girêdayê quwetir kerdişê quwetanê xoverder û girdkerdişê artêşê gerîlayan o. Peynî de komîteyî Roşanê Ziwanê Kurdî bimbarek kerd.
ANF/BEHDÎNAN