EHMED EL-KIMYAN / ANHA/REQA
Îşxalkar Dewleta Tirk û çeteyê a, rojê peynî vera Tîl Temîr, Ey Îsa û Kantona Şehbayî de hêrişanê xo zêdînayê. Hêrişan ser o Şewirmendê Rayberîya Xosere ya Surîyeya Rojhelat û Vakûrî Enwer El Mişrif qise kerd û vat ke Tirkîya pêameyişê adirbirnayişî îxlal kena, Tirkîya sey her tim rasteyê mîyanînêneteweyî de sozêke daya nêtepişena.
Şewirmendê Rayberîya Xosere ya Surîyeya Rojhelat û Vakûrî Mişrif wina vat: “Armancê Dewleta Tirk pankîya netewî û bedilnayişê demografî yo. Dewleta Tirk wazena cayê ke îşxal kerda, hîna hera bika.”
Ganî dinya însîyatîf bîga
Mişrif ard vîr ke QSD, Rusya û Rejîmê Surîye de reyde pêameyişêk viraşto, nika Dewleta Tirk verê heme projeyan asteng a û wina dewam kerd: “Herakerdişê rasteyê îşxale ser o mîyanê Dewleta Tirk û Emarîqa de pêameyişêk ameyo viraştiş. Peynîya şîyîşê mintiqayî yê Emarîqa de hêrişê Dewleta Tirk zêdîyayê. Hêrişê Dewleta Tirk çareserîya krîzê Sûrîyeye rê asteng ê. Ganî vera hêrişê Dewleta Tirk de dinya însîtatîf bîga.”