Demo ke Şengal binê îşxalê DAIŞî de bî, Dewleta Tirk yew mermî daxî nêşuxilna vera DAIŞî la demo ke Şengal azad bî her roj bombe varnena ser Şengalî. Tewro peynî hêrişê Dewleta Tirk de Fermandarê YBŞî Zerdeşt Şengalî û 3 şerwanê YBŞî şehîd kewtbî.
Hemserekê TEVDEMî Xerîb Hîso dîyar kerd ke hêrişê Dewleta Tirkî yê vera Şengalî de, berpirsîyar Dewleta Iraq û hêzê Koalîyonî yê. Hîso Şengalî de qetlîamê DAIŞî ard vîr û wina dewam kerd: “Şarê Êzidî Şengal de bi fermanan rî bi rî mendê. Dewleta Tirk bi hetkarîdayişê DAIŞî qetilbîyayişê Şarê Êzidî ra destûr dana. Vera polîtîkayê lêmin ê Dewleta Tirk şarê Êzidî xo rêxistin kerdî û qewetê xo awan kerd. Bi no qewetê xo zî Şengal azad kerd. Arteşê Tirk nêeşkeno îradeya Êzidîyan bişikno. Êzidîyan vera hêrişê DAIŞî zî bawerî û kultirê xo pawitê. Vera heme polîtîkayê lêmin de ma do rêxistînîya xo ra fek vera nêdê.”
AHHA/ŞEHBA