Doktorê Nêweşxaneyê Şarî yê Hesekê Doktor Farîs Hemo yo ke Ajansê Xeberan ê Hewarî (ANHA) rê qisey kerd da zanayene ke dewleta Tirkî sîlehanê qedexeyan vera şarê Serêkanîyê de şuxulnena.
Hemoyî dîyar kerd ke ê her roje bi desan sivîlanê ke dewleta Tirkî hêrişê înan kerdo, derman kenê û goreyê birîndarîya sivîlan tesbît kerdo ke dewleta Tirkî sîlehanê qedexeyan şuxulnena. Hemoyî va ‘sivîlî zafane bi topan birîndar bene û veşenê û wina domna: “Ewro heme birîndarê ke ameyî ma dî ke laşê înan de herinda veşateyanê cîyayan estî. Ma tam tesbît nêkerd veşayîşê kamcîn sîlehî yo la ma eşkenê vajê ke dewleta Tirkî sîlehanê kîmyewîyan şuxulnena.”
Babete ser o Endamê Heyetê Caardişî yê TEV-DEMî Aldar Xelîlî zî beşdarê televîzyonî bibi û ewja de babete ser o dîyar kerdbi ke artêşa Tirkî ya dagîrkere Serêkanîyê de sîlehanê fosfor û napalmî şuxulnena. Xelîlî va ‘birîndarê ke nêweşxaneyan de yenê dermankerdene, înan ser o tehlîlî ameyî kerdene. Goreyê raporî Tirkîya silehanê Fosfor û napalmî yê ke qedexe yî, şuxulnena.”
ANHA / HESEKÊ