Fermandarîya Qerargeha Merkezî yê Pawitişê Şarî serragêra 13. yê hemleya 1ê Hezîrane de îzahatekê nuştekî weşîna û aşkere kerd ke do gerîlayê Kurdistan, serragêra 14. yê 1ê Hezîran açarnê prosesê hemleya gird.
Fermandarî hemleya 1ê Hezîrane ke vera konseptê înkar û çinkerdişî virazîya bimbarek kerd û şehîdê mîmarê hemle vîrard. Îzahatî de vistîya vîrî ke prosesê pawitişê cewherî ke bi hemleya 1ê Hezîrane destpa kerd, bi cewabê muhîm yê polîtîkayê çinkerdişî. Fermandarî ciresna ke, prosesê pawitiş û xoverdayîşê şarî û gerîla, ke ser bingehê hemleya 1ê Hezîrane amey kerdiş, çarekerdişê meseleya kurd ferz kerd û va, averşîyayîşê nikayî ganî zey netîceyê hemleya 1ê Hezîrane bîrê vînayîş.
‘Serra 14. de hemleyêka xûrt’
Fermandarîya Qerargeha Merkezî yê Pawitişê Şarî vist vîrî ke têkoşîna serbestî yê şarê Kurd bi xeylê serkewtişan resya qonaxa newî û wina dewam kerd: “Serra 14. ê 1'ê Hezîrane de zî do mora xo bierzo xeylê serkewtişanê tarîxî. Seba na qonaxa newî û çarekerdişê meseleya Kurd, do gerîlayê azadîye yê Kurdistan xo fedakarî ra peyser nêgîrê û wezîfeyê xo bîyarê ca.”
Gerîla her ca de yo
Îzahatî de de vajîya ke dewleta AKP ke hemverê têkoşîna şaranê Kurdistanî de bîya xînt (bome), raybazê xo yê lejî (şer) anto merhaleyê barbarîye, çar leteyanê Kurdistanê de hêrîşê destkewtişanê Kurdan kena û sîyaseta qirkerdiş, zilm û kolonyalîzmî dana ramiten. Fermandarî da zanayîş ke emrê mêtîngerîya Tirk Kurdistan de bîyo kilm. Bi hezaran zûrî, dek û dolaban hewl danê ke atmosfereke zey ke gerîlayî derbe wenê û ver çinbîyayîşî de yê, damûsnê. Wa bîro zanayîş ke gerîlayê Kurdistanî û şarê Kurdistanî, dê vera na barbarî û sîyaseta wehşî yê mêtîngerî, bajar, deşt û koyan de, her ca de xoverdayîşî berz bikerê û serra 14. yê 1ê Hezîran açarnê prosesê hemleya gird.
Wa gencê Kurd tewrê gerîla bibê
Peynîyê îzahatî de, seba ke serra 14. yê hemleya 1ê Hezîrane açarnîyo prosesê serbestîya Rayverê Şarê Kurd Abdullah Ocalanî, seba pûçkerdişê plananê mêtîngerî veng dîya gencanê Kurdistan ke tewrê gerîla bibê û 1'ê Hezîrane girdêr bikerê. Herzewbîn seba şarê welatperwer û gerîlayanê azadî rê zî serra newî yê têkoşînî de serkewtiş wazîya.
ANF/BEHDÎNAN