Seba nê kurdan di navenda komeleye de serpirodayişan destpê kerd. Qeydan ser xebatkarê GKMe Kemal Karabulut agahî da. Karabulut vat ke do qeydê kurdan hetanê 1 nîsane 2015 dewam bikerî û wina vat: “Di xebatê atolyeyê ma de, ma wazenê kultur, dîrok, ziwan û bawerîyê xo newe neslan ra biheriknî. No ser zî heme kursê ma bêpereyê. Kam wazeno se nê kursan ra feyde bivîno ganî komeleye ma ra serpiro bidî.”
Karabulut destnîşan kerd ke di dinyaye de sifteyin bi zaravayê kirmanckîyê atolyeya Deyîrbazî bêro viraştiş û wina dewam kerd: “Kultura ma hetanê deyîrbazan nê rojan ra ardîy. Edebîyatê ma bi fekî, ser nê deyîrbazan awan bî. Dîrok ra nika edebîyatê bi fekîyê deyîrbazan nê rojan ra kirişt. Ma seba averşîyîşê kultura deyîrbazî do heme dewam ra deyîrbazan kom bikerî.”
DÎHA/DÊRSIM