Di Kurdistane de serrê 90’an de terorê dewlete ameynê cuyayiş û no terorê dewlete hema hema di heme banan de yew hîkayeya vîndî viraşt. Endamê JÎTEMe saetê ser sibeyî di rojê mîyanê de merdiman banan ra girewtî û peynî zî nê merdiman ra xeber nêameynê girewtiş. Heme nê merdiman bila semed ameynê girewtiş û peynî ameynê qirkerdiş. Taybetê mîyanê serrê 92 û 95’an de cînayetê faîlê meçhûlê tîtikê ra vejîyabi.
Dewlet waştê bi polîtîkayê xo leyminî heme nê cînayetê milê PKKe biverado.  Hetanê na roje zî akibetê nê 20 hezar kesî nîno zanayiş. Her kes zî zanano ke dewlet fermandarake di Kurdistane de tayîn kerdo, heme engiştireyê nê fermandaran nê cînayetan de est o. Di dozan de nê raştî zî yena vînayiş. Di qirkerdişê Licê, Şirnex û cînayetê Musa Anter de engiştireyê fermandaran Cemal Temîzoz, Eşref Hatîpoglu, Yavuz Erturk yena zanayiş la dewlet qetilkaran xo pawiyena.

TIRKÎYA DARAZNAD
Di Serra 1993’ê de lejkeran dewa Agilliya Bismila Amede ra hêriş kerdî û dema hêrişkerdişî zî Abdurrahman Kurt girewtê binçimê û peynî zî Abdurrahman Kurtî lejkeran qetilkerdî. Çika zî malbata Kurd waşt zî cayê Abdurrahman Kurt bander zî bibê nêşkîyay cayê Abdurrahman Kurt bander bibê. Dewlet her tim girewtişê binçimê Abdurrahman Kurt înkar kerd. Malbatê Kurt seba Abdurrahman Kurt di DHMEyê ra doz akerd û doze zî qezenc kerd. DHMEyê Tirkîya mehkûm kerd. Hewna lejkera di Cizrîya Şirnexe de endamê JÎTEMe welatij nameyê ey Mehmet Tadik girewtê binçimê û na roj ra hetanê na roj veng Tadik ra nêvejîya.
Serra 1995’ê di Dêrsime de peynîya pêkewtişê gerîla Yaşar destê lejkeran bi birîndar kewt la belê lejkerê Yaşarî di helîkopterî ra eştî war. Dayika Rahîme Înce na roj ra na roj, bi Dayikê Şemîyê lajê xo gêrena.  

Di heremê de xebatê JÎTEMe

Welatij Bahrî Kaganaslan di dewa Barogluya Amede de seba qezenckerdişê cuyayişê xo karê ziret û hewyanî kerdî û Kaganaslan teklîfa dewlete ya cerdewantîyî zî qebul nêkerdbi la belê saetê binê şewe endamê JÎTEMê ey banê ra girewtî û peynî no wextî, hema zî Kaganaslan ra xeber çin o. Malbatê Kaganaslanî ser agahîgirewtişî serpiro qeraqole kerd la belê di no demê fermandarê qeraqolê Nîhat Gul malbatê ra vat; ‘şima PKK reyde pê nêkerdî no ser şima mara yenî.’ Di no demê qeraqolê de îtîrafkarê PKK bi nameyê kodê Cemal malbate ra vat; ‘Bahrî sûcekê zaf gird şuxulnayo û no ser nêşkîyaynê bêro efûkerdiş.’ Peynîya nê vatişan malbat serpiro Walîtîyê OHAL kerd la belê hetanê nika Kaganaslan ra veng nêamegirewtiş.


YASÎN KOBULAN/DÎHA/AMED