Serra 1971’ê di Heyeta Wezaretî de newala Munzure ser biryarê Parqa Mîllî ameybi girewtiş la belê peynîya no biryarê ser Munzure ame plankerdiş ke 6 bendaw û 8 HES bêro viraştiş. Verba nê projeyan zî pawitox Bariş Yildirim serpiro wezaretî kerdbi la belê wezaretî serpirodayişê Yildirimî red kerdbi û no ser zî Yildirim serpiro dadgehe da.Serpirodayişê Yildirimî ser Dadgeha Îdareya 1’ina Xarpête biryar da û dema biryardayişê xo de zî dadgeha heme raporê Mûdirîya Muze ya Xarpêtî verçimê girewta û seba cigêrayişê pêroyin zî biryar daya.

Cigêrayişê weş
Biryarê dadgehe welatij û endamê çepamenîyê reyde paykerdiş rê di sînorê Parqa Mîllî ya Newala Munzure Gozeyê Halvorî aşkera ame dayiş. Aşkerayê ra Mehmet Alî Bul û Nurhayat Altun, pwt. Bariş Yildirim û welatijan beşdar bîyê. Di aşkerayê de pwt. Bariş Yildirim aşkera kerd ke do ê biryarê dadgehe bişopnê û ê wazenê Wezaretê Turîzm û Kultur ra bivajî ke zatî mûdîrîyê şima vat ke no war do warê sîtî bêro îlankerdiş, verba no biryarê destê şima de agahî çin o.Yildirim wina vat: “Nika di newala Munzure de 1588 tewirê nebatî estî û bi weşîya xo newala Munzure cayê ke bê hempa yo. 55 nebat tena hawzaya Munzure ra aîd î. Bi taybetîya xo Munzure cayê ke zaf muhîm û weş o. Ganî bi lezî newala Munzure warê sîtî bêro îlankerdiş û ma şopnakarê na ravêreyeye bibî, eke mîyanê yew aşme de çareserî nêro do ma heqê nê kesan doz biakerî û ma serpiro UNESCOye zî bikerî.”


NAVENDA XEBERAN