Mala Piştgiriya Perwerdehiyê ku 2 salin bê navber dixebite, bi sedan xwendekar perwerde kir û bi sedan xwendekar sûd wergirtin. Mala Perwerdehiyê ku wekî dibistan û zanîngehekê xebatê dimeşîne wekî kewara mozan her tim vinge vinge û deriyê xwe ji xwendevanan re vedike. Mala Piştgiriyê herî zêde piştgiriyê dide xwendekarên lîse û amadekariya zanîngehê dike. Heta niha bi sedan xwendekarên amadekariya zanîngehê dikin, li vir perwerde dîtin û serkeftinên mezin bi dest xistin. Mala Piştgiriya Perwerdehiyê, di nava 2 salan de bi alîkariya KURDÎ-DER'ê dersa zimanê kurdî da 550 xwendekaran. Her wiha pirtûkên kurdî bê pere dan xwendekaran. Mala Perwerdehiyê li aliyekî pirtûkên rêzimanê kurdî bê pere li xwendekaran belav kirin û li aliyê din ji bo pêşxistina xwendina zimanê kurdî rojnameya Azadiya Welat li xwendekaran belavkirin. Mala Perwerdehiyê û KURDÎ-DER'ê di nava 2 salan de sertîfîka rêziman da 250 xwendekaran.

Di gelek mijaran de kurs dan
Mala Piştgiriya Perwerdehiyê ya Qoserê her wiha di 2 salan de di qada zimanî îngîlîzî, matematik, fîzîk, kîmya, tarîh, cografya, felsefe, proje, rehberlîk, erbane, gîtar, drama, resîm, perwerdehiya sporê û gelek qadên din de perwerdehî da bisedan xwendekaran. Nêzî hezar û 400 xwendekaran sûd ji van kursan girt.
130 xwendekarên Mala Piştgiriya Perwerdehiyê piştî ezmûnên SBS'ê ya 2011'an gelek lîseyên pîşeyî qezen kirin. 160 xwendekarên wan di lîseyên Fen û Anadoluyê de bi cih bûn. Di 2 salan de 290 xwendekar li gelek lîseyên pîşeyî û lîseyên Fen û Anadoluyê hatin bicihkirin. Di ezmûna LYS'ê de xwendekarê bi navê Abdurezzak Ozgün 428 pûanê xam girtin û di herêmê de bû 1'emîn. Her wiha li Tirkiyeyê ket rêza 700'mîn. Zêdeyî 50 xwendekarê Mala Perwerdehiyê 400 puan girtin. Di ezmûna YGS û LYS'ê de nêzî 200 xwendekar zanîngeh qezenç kirin. Di nava 2 salan de 370 xwendekar şandin zanîngehê.
Kordînatorê Mala Piştgirya Perwerdehiye Nûrillah Tunç, anî ziman ku di pirtûkxaneya wan de nêzî 2 hezar pirtûkên wan hene û gelek kes sûdê ji pirtukan digirin.

Pola xwendekarên jin taybet e

Tunç, anî ziman ku di çarçoveya xweseriya jinê de ji bo 50 xwendekarên jin polek taybet vekirine û wan taybet perwerde dikin. Tunç, destnîşan kir ku ew cudakaryê naxin nava xwendekaran û ji ber vê yekê serlêdan gelek zêde ye. Tunç, bilêv kir ku ji bo hîndekariya sala 2011-2012'an nêzî 3 hezar xwendekar serlêdan kirine û qeyda pêşîn kirine.

DÎHA/MÊRDÎN