Barîna berfê û seqema zivistanê jî li pêşiya hêzên Asayîşê ne bûye asteng û bi hemû îmkanên xwe bi şev û roj parastinê dikin. Endamê Asayîşa Kobanê Hecî Oso ku li ser benda Riya Minaz a Kobanê nobedarî dikir diyar kir ku ne berf û ne jî seqema zivistanê li pêşiya xebatên wan dê nebin asteng. Ebdamê Asayîşa Gundê Kerik a Kobanê Yihya Nesan jî li ser benda kontrolê nobedarî dikir û parastina şêniyên gund dikin. Nesan, destnîşan kir Asayîş bi hemû îmkanên xwe parastina welatiyan dikin û di hemû rewşan de jî dê erkê xwe yê parastinê pêk bînin.

ANHA/KOBANÊ



Navenda Asayîşê ya Şehîd Nesîb

Rêveberiya Asayîşa Rojava navendeke nû ya Asayîşê bi navê “Şehîd Nesîb” li gundê Meydana Ikbis a navçeya Raco ya Efrînê bi merasîmê vekir. Merasîm bi tevlîbûna dehan kesan bi rêzgirtinê destpê kir. Piştre Endamê Tevgera Civaka Demokratîk (TEV-DEM) Şiyar Şervan axivî û vekirina navenda nû ya Asayîşê li gundiyan û hemû gelê herêmê pîroz kir. Şervan bang li hêzên Asayîşê kir ku hemû îmkanên xwe bixin xizmeta parastina şêniyên gund. Şervan ji hemû endamên Asayîşê xwest ku wekî saziyeke civakê bi welatiyan re di nava hevkariyê de bin. 

ANHA/EFRÎN