Di Somayî de terteleyê elewîyan

Dewij Ozlem Merdîm di Terteleyê Somayî de 21 serra lajê xo da axê û bi israrê Merdîm vana ke Soma yew qeza nêbî, yew tertele bî û wina vat: “Eke qeza bibîynê do ma bivatî qeza yo la 301 kesî cuyayişê xo day, no qeza nîyo. Zanaynê ocax veşeno la belê bi hişyarî domanê înan eşrawitî madenî. Min bi xo şî madenî û di oca de min ra vatî; tam demo bedilnayişî vardîyayî bîyo qewimyayiş. Eke şima karkeran nêeşrawitî se madenî, gelo lajê min kura de yo. Di roniştişê dozî de endezyaran vatî, di madenî de pirsgirêk çin bîyo, zanaynê madenan veşeno la bi hişyarî lajê min eşrawitî madenî.”

Cuyayişê min peynî bî

Hewna dewij Senem Yildirim zî di Terteleyê Somayî de di lajê xo vîn kerd, çi heyfo ke peynî qewimyayişî kêna û zama ci di qezayî de cuyayişê xo dayî. Yildirim aşkera kerd ke belkî lajê a merdî la a her roj mirena û çi heyfo ke dewlet înan ra çi soz dayo se nêardo cayê xo û tewr gird hetkarî şarê ra vînayî û ganîyo ke berpirsîyaran cezayê xo bivînî.

Hewna dewij Dogan Yildirim zî destnîşan kerd ke bi qetilbîyîşê mêrdeyê xo de her roj bermeno, verekna di dadgehê de cayê qetilkaran mêrde û domanê înan bi pawiyaynê, bi zanayişî doman û mêrdeyê înan veşînayî, nika domananê a bêwayîr di orteyî de mendî. 

Gulşen Uysal ciresna ke peynîya mergê mêrdeyê xo zaf dej anto, çi heyfo ke hetanê nika tena şar, înan ra hetkarî dayo û qet hetanê nika dewlet înan ra heqê sozê nêdayo, ganî berpirsîyarî cezayê xo biancî û çimkî cuyayişê înan herimnayî.

Kiştî la mewlud dayî wendiş!

Di terteleyê Somayî de bi şansî Hîdayet Merdîm, terteleyê ra xelisyabî û na roj ser Hîdayet Merdîm vat ke seba ci, na roj, roja ke tewr gird tarî yo, çi heyfo ke di dema gêrayişî de karkerî ganîyî, ser karkerê merg de gêrayî la qet yew ganî karker nêvînayî.

Merdîm bertek mojna dema Terteleyê Somayî îlankerdişî 3 rojê ezayî û wina dewam kerd: “Turk-Îş, AKPij Şaredarîya Somayî, MHPij Şaredarîya Gird a Manîsayî, seba karkeran guya xêr vila kerdî la çew tazmînatê ma de elaqadar nêbî, karkeran kiştî û peynî zî, peynîya karkeran mewlud dayê wendişî, cayê wendişê mewludî, malbatê karkaran wayîr bivejyaynê.