Di nava çeteyên hatine kuştin de emîrekî çete yên ku ji bajarê Siwês ê Misrê û kesekî ji Tunusê jî hene. Li ser cenazeyê van kesan nasname û pasaport jî hatin dîtin. Li gorî belgeyên ku hatine dîtin, çeteyê bi navê Bedreddîn Selamê Bin Cemal Bin Ukaşe, bi pasaportê hatiye Tirkiyê û ji vir jî derbasî Rojava bûye. Di pasaporta ku li ser Ukaşe hatiye dîtin de, diyar dibe ku di 17’ê sibata 2013’an de ji Tûnusê derketiye û di heman rojê de li balefirgeha Ataturk ya bajarê Stanbolê ya Tirkiyê peya bûye. Li ser pasaportê mohra Tirkiyê ya balefirgehê jî heye.


Numreyên Başûr
Çeteyê ku piştî hatiye Tirkiyê derbasî herêma Cerablus û Minbic bûye, dema êrîşên li ser Kobanê yên dawî destpê kirine jî, dîsa derbasî Tirkiyê bûye û di sînor re hatiye Rojava. Lê rojek piştî ku derbasî Rojava bûye jî di şer de hatiye kuştin. Her wiha li gel heman çeteyî gelek hejmarên telefonan ên çeteyên DAIŞ’ê jî hatine girtin. Di nava telefonan de hejmarên telefonên ji Başûrê Kurdistanê, Tirkiyê û Ewropayê jî hene. Welatiyên gundên rojavayê herêma Kobanê nirxandinên ku nîşan didin çete di sînor re derbas dibin, anîn ziman. Welatiyan destnîşan kirin ku pevçûnên li herêmê didomin, dewleta Tirk jî sînorên xwe li pêşiya çeteyan vekirine û wan bi çavên xwe dîtin ku çawa çete li pêşiya çavên leşkerên Tirk derbasî devera nêzî gundê Ziyaretê ya herêma Kobanê dibin û êrîşî welatiyên sivîl dikin.