SÎNORAN NÊŞÎNASNÎ
Awat di şaristanê Suleymanîya Kurdistanê Vaşûrî de papoleke zaf yena şuxulayiş di Şevaleka de bi nameyê Med de pirtûkxane akerd. Nameyê no pirtûkxaneyî zî nameyê Televîzyonê Med ra girewt. Awat Husamettîn Tayîp di Kurdistanê Vaşûrî de pirsgirêkê cenîyan ser qise kerd. Awat aşkera kerd ke di Kurdistanî Vaşûrî de ganîyo ke seba cuyayişê azad verê cenîyan bêro akerdiş û wina vat: “Ez hîna no pirtûkxane nêakerdbi, di Kurdistanê Vaşûrî de heme waran de bandorê mêrdeyan estbi. Êdî ez biryar daya ke ganî cenîyan heme waran de bi tesîr bibî, no ser zî ez zî no pirtûkxaneyê akerda. Dema vînayişê pirtûkan de zaf zehmetî onta, ez wazema heskerdişê pirtûk û hewesî wendişî heme komleye ra vila bikera. No ser zî ez zî no pirtûkxaneyî akerda.”
TADE Û ZILM DOMYENA
Awat bal ont ser di Kurdistanê Vaşûrî de cenîyan ser tade û zilmî û wina dewam kerd: “Di pêroyina dinyaye û Kurdistanê Vaşûrî de zî zîhnîyeta mêrde wazena tena cenîya mehkûmê banê bikero. Ganîyo ke verba no nêzdîbîyîşê zîhnîyeta mêrdeyî têkoşîn bêro dayiş. Di feraseta min de cenî eşkana heme di waran de xebat bikera. Di Kobanê de têkoşîna cenîyan no ferasetî bi heqî vejnay. Ganîyo ke cenîya îradeya xo taybetî hêz bikerî. Her ke şona di Kurdistanê Vaşûrî de qirkerdişî cenîyan zaf bena. Çi heyfo ke semedê no qirkerdişî cenîyan taybetî zaf basît bena. Yew cenî sûc bikero a cenî ra cezaya mergî yena dayiş la belê eynî sûcê mêrde bikero no demî zî no mêrdeyê ra tena cezaya zîndane yena dayiş. Na rewş nêheqî yo.”
SULEYMANÎYE