Ehmed Osman yew serrê verê pîyê xo vînkerdo, Osman vat ke di ateya ey Zozan û Semîre nika di safê YPJî de verba çeteyê DAIŞî têkoşîn danê. Ehmed bi vatişê xoverodayişê Kobanê ra bal oncena û wina vat: “Ez şîya hetê YPGijan û waşta beşdarê YPGî biba. Çimkî YPGijan di Kobanê de her kesî hes kenî. No ser zî ez înan ra zaf hes naa û silomê  xo înan ra eşrewena. Ez aşkera vana ke di îmkanê min bibîynê nika di Kobanê de têkoşîn bidaynê.”


HETANÊ PEYNÎ TÊKOŞÎN
Ehmed destnîşan kerd ke çeteyê DAIŞî gejê Kobanê berdî û qetil kerdî, elaqayê nê kesan qet di îslamîyetî de çin o û nê kesan seba înan çik îfade nêkena û wina domna: “Ma hetanê peynî do têkoşînê xo bidomnê. Nê çeteyan ra, teberî ra dewletan tanq danî û qet balafiran zî bombe ser çeteyan nêveradonê. Xêrê çew ma ra çin o. Ma bawerekê do YPG/YPJ qezenc bikerê û ma zî do Kobanê ra biagêrê. Wa kurdan yew bibê û no demî do ma hîna rehet qezenc bikerê.”

NÊWAŞTO BÊRO PIRSÛS
Hewna Xelîl Mîhemed zî aşkera kerd ke ey her roj ser sînorî şona ke Kobanê ra biagêro la belê destûr nêdanê ke ey Kobanê ra şîro û wina domna: “Ma wazenê di Kobanê de bimrî. Ma dema ke ser sînorî şonê ma ra bombeyê gazî erzenê. Ma hesîyayke kekoyê min birîndar bîyo la belê Pirsûsê nêameyo. Di dema verên de birîndar bibê la hewna şî şerê.”
Mîhemed di verdewama qise xo de dîyar kerd ke malbatê ey waşto ke kekoyê ey bizewejnê la kekoyê ey qebul nêkerdo û kekoyê ey vato ke: “Her roj di hetê min de embazê min şehîd kewenê ez senî zewejyena û do ez şîra hetê embazê xo û bi xoverodayişê şehîd bikewa.” Peynî zî malbatê ey verba hêrişan ameyê Pirsûsê, ey malbatê xo ciya bîyo û şîyo hetê YPGijan la belê peynî kekoyê ey ameyo û ey tepa eşrawito.
Dîyar Mîhemed zî ciresna ke do qet Kobanê nêkewo.

 RIHA