Koçîva, diyar kir ku heta niha 50 serlêdan hatine kirin û beriya niha jî di nava 2 heyaman de 32 xwendekar tevlî perwerdehiya wan bûne. Her wiha bi civînên gel jî lazkî hatiye danasîn. Her wiha vê heyamê wê dersên, axaftin û nivîsandinê ya lazkî jî bên dayîn. Li gorî agahiyên ji Koçîvayê hatine girtin, piranî zarokên malbatên lazan tevlî perwerdehiyê dibin û temenê wan jî di navbera 18-33’an de ne.
Kokiva ku ev bi salane li ser zimanê lazkî dixebite, da diyarkirin ku dema li Elmanyayê bi boneya tu çavkaniyên wan tunebûn nedikarin li ser lazkî xebatan bikin û di sala 1984’an de piştî pirtûk û ferhengên lazkî hatin çapkirin wan jî dest bi axaftin û nivîsîna lazkî kiriye.
Koçîva destnîşan kir ku niha laz li cihê têkoşîna ziman zêdetirê têkoşîna parastina çavkaniyên avê dide û wiha axivî: “Pêşiyê henekên xwe bi me dikirin. Lê êdî tu wateya pêkenokên lazan nemaye. Niha êdî aliyên baş û şoreşger ên lazan tê rojevê. Li gundê me Duthayê ku navê tirkî kirine Tunca, hêj zêmarên me yên lazkî dijîn. ”
ANF/STENBOL