“Ma yewna ray terora dewletî reyde rî bi rî mendîy. Yew hetî de Qendîl yeno bombekerdiş, yewna hetî ra zî şew erzenî keyeyan sero, înfazan virazenîy. Ma dijî nê kerdişan, do hetê huqiqî de gam bierzîy.”
Şerê psîkolojîk
Îpek dergeyîya qalîkerdişê xo de ard ziwan ke nêy hedîseyê ke rojêy peynî de zî aseno ke AKPî polîtîkayê şerî dayo destpêkerdiş û wina domna: “Bombeya ke 5’ê hezîranî de teqay ra dima, ciwanêy ke Pirsûs de amey qirkerdiş zî nawit ke AKP dest pê şerî kerdo. Koy yenîy bombekerdiş, ê ke rayîr ra vêrenîy yenîy binçimkerdiş. No hawa wazenîy ke yew kaos bivecîy. Hetê înan de şerê psîkolojîk ya ke AKP meşneno zî esto. Sebebê nêy hemînan serkewtişê weçînayîşê 7’ê hezîranî yo. AKP weçînayîşî vindî kerd û nêşkeno tena serê xo bibo desthilatdar. Na semed ra zî gonî rijneno. Erdogan bi hêrso ke semeda nêbi serek, hêrişê domananê no welatî keno. Her roj cenazeyî yenîy. Vano qey qirkerdişî reyde do bibo serek.”
Yewnan ra cîya nîyî
Îpek bal ant ser hedîseya ke Agirî de polîsîy welatijan înfaz kerdbîy û wina vat: “Qirkerdişêy Agirî û bombevarnayîşê Qendîlî yewnan ra cîya nîyî. Huqiqek ya şerî zî esto. Bi destpêkerdişê înfazan ra zî dîyar o ke wazenîy konsepta şerî ya serranê 90’an bidîy destpêkerdiş. Bi heman raybazî wazenîy encamêy cîya bigîrîy. Xora payîvê no vindertiş zî nawneno ke pergala fikiryayîşê dewletî baş nêxebetyeno.”
Ravêreyeya 12’ê êlule
Îpek peynîya qalîkerdişê xo de ard ziwan ke ma bi şertanê maqul de hetê mutabakatî ra yî û wina vat: “Şerî de kiştişê şarê sîvîlî bê ehleqî yo. Polîtîkayêy ke nêy demêy dawî de yenîy meşnayîş hedreyîya şerê ke leyminên o. Şaristanan de maşîneyêy bê pleqe semeda girewtişê binçiman gêrênîy. Dewlet bi pergala 12’ê êlule reyde têgêreno, la no erdnîgarî seyî verên nîyo. Duştê înan de Kurdê hîna cîyayêr estîy. Hemverê nêy polîtîkayanê neheq û bê huqiqî de ma payîvê wariştişê şarê xo ya ke li ser lingan îy.
Agirî de înfazkerdişê polîsan a hîrê ciwanan sero ma do cipersayîş biakerîy. Her awayî ma do rayîrê huqiqî taqîp bikerîy. Înfazkerdişê bê dadgeh polîtîkayê tewr leymin o. Raştî zî pergalek ke eşkeno bi emrê rayîrberê gladyoya taybet ya dewletî generalê xo qetil bikero, esto. Wexto ke polîtîkayêy leyminî bidekewî merîyet aye wext bertekêy şarî dekewno dewre.”