Îzehetî de ame vatiş ke “Êdî ma nêwazenîy xeberêy şerî bivirazîy. Hemverê nêy polîtîkayêy îqtîdarî ya lêmin ma do waştişê şaran a aştî bîyerî ziwan û sey cenîyan ma do fotografê azadîyê kaşbikerî.”
Dejo tewr gird
Verdewamîya îzehetî de bal ancîyay ser teda û sansuran wina ame vatiş: “24 temmuze ra heta nika tewr kêm 8 şaristanan de 100 heremî sey heremê asayîşî ya taybet amey îlankerdiş. Zaf şaristan, qeza û dewan de planêy qirkerdişî dekewtî dewre. Ma na ravêreyeya de neçar mendî çekûyê kes ey ‘hende kes cuyayîşê xo vindî kerdî’ bixebetnîy û fotografê tewr bi dej ma kaşkerdîy. Ma bi serran a ke dewlet û zîhnîyeto faşîst senî cenîyan qetil keno û neçarê koçkerdişî keno sero bêmaben nuşt. Wijdanê şima çi semeda nêy fotografan û çizî xeberêy cenîyanê êzîdîyan de teng bi. Ma sey cenîyêy ke xo rayvistiş kerdîy hemverê wijdanê şima yê kor bîyo vero ma do xover bidîy û bibîy pênusa şarê ke aştî wazenîy.”
DIşmentîya cenî
Îzehetî de ame ciresnayîş ke îşkence û tedaya ke ser cenazeya Ekîn Wan ame kerdiş zî nuştiş bi para înan û wina dewam kerd: “ Şer de êy ke ewil vinî kenîy cenîyî û ma sey cenî no xeylê baş zanî. Rayna peyamê ke wazenî bidî ma, ma fam kerd. Çîyo ke wazenîy bikî laşê Ekîn ya rut sero heme cenîyan bitersnî û teslîm bigîrî. No tena hemverê cenîyan ney hemverê heme komelî şero ke ameyo destpêkerdiş o. Dewlet bi no hawa laşê Ekîn ya rut sero serwerîya xo ya mêrdeyî û dişmentîya xo ya cenîyan ravisto çiman ver.”
Peynîya îzehetî de bal ziwanê serwerîya mêrdeyî sero ame antiş û wina ame vatiş: “Ma peyamê ke xoverdayîşê cenî ra girewto reyde do ziwanê serwerîya mêrdeyî do bişiknîy, medyaya de teşhîr keno û sey mîlîtarîst têgêreno ver ma soza xoverdayîşî danîy. Rayna hemverê nêy medyaya ke ziwanê cîyakarî xebetnena vero ma veng danî heme cenîyan ke wa ziwanê aştî bixebetnî û semeda ke planêy şerî veng bivecîyo wa paştê bidîy ma.”
JINHA/ÎZMÎR