Rojavayê Kurdîstanê de şer çiqas çetin beno, rîyê herkes  zî vejîyeno werti.

Dişmenê Kurdan, ze dewleta Tirk û çeteyen îstîlaker yê El-Qaîde eşkereyê.
La şer çiqas çetin beno, tayî hetî estî, rîyê înan zî eşkere beno. Bi teybet rîyê PDK vejîyeno werti.
Rîyê TV’yê ke, girêdayê PDK, rîyê înan zî vejîyeno werti.
Şarê Kurd, heta nika dişmenê xo weş şinasnenê, la tîya ra pê PDK û TV’yê  girêdayê PDK zî weş bi şinasno.
Wexto ke, çeteyên girêdayê dewlata Tirk û Suudî înan êrîşê Rojava yê Kurdîstan kerd, eynî wextî de PDK zî berê Sêmalka girewt.
PDK, nîverda, Şarê Kurd ser berê Sêmalka xo ra karê bazirganîyê bikero. Xo ra zad peyda bikero.
PDK, nîverda, Şarê Kurd bi rayîrê bazirganîyê îdarê xo bikero. PDK, hina kerd û waşt ke, Şarê Kurd veşan û teşan bimano.  Hina bibo ke, mecburê PDK bibo. Bibo parsek.
Barbikero û şîyero Başurê Kurdîstan. Planê şîrik yê PDK û  dewlata Tirk hinabi. Xo ra belgeya ke, vejiya bi werti, gorê nayê belge meqsede dewleta Tirk û PDK hina bi ke, Şarê Rojava yê Kurdîstan biyero barkediş û şîyero Başurê Kurdîstan.
Barkerdiş hetek ra komkiştişa Tel-Eran û Tel Hasil hetek ra. Komkiştiş zelala. La PDK, vana, wa komîsyonek biyero viraştiş. Wa bi ewnê komkiştiş esta ya çîna. PDK, bi naye wazena ke, ser komkiştişê bîyero girewtiş.
Êrîşên çetayan, komkiştiş û barkerdişa ke vejîyo werti planê dewlata Tirk û PDK eşkera kerda.
Hetê  bîn ra rastiyê TV’ye ke, girêdayê PDK’yê rastîyê înan ze vejîya werti.
Rudaw TV û Zagros TV, xeberê ke, virazenê nê xeberan de propagandayê dewlata Tirk û çeteyên îstîlaker kenî.
Hêzên YPG, YPJ û El-Ekrad  zî,  ze hêzên pawitiş yê Kurdan nîşan nêdanê.
Serkewtinê YPG, YPJ û El-Ekrad  nêmejnenê. Wexto ke, êrîşê çeteyan ser sivîlan benî, nê êrîşan ze ser YPG biyo mejnenî. Nêvanî Kurdê sivîl ameyê kiştiş. Vanî, şervanê YPG ameyê kiştiş.
Hetê bîn ra komkiştiş Tel-Eran û Tel-Hasil ser zî, hayîyê zur vila kenî. Vanî, komkiştiş nêbîya.
La dima ra, zure Rudaw TV û Zagros, înan bi xo   pê roportajê şahîde komkiştişan eşkera kerd.
Rudaw TV, bi xo şahîdên komkiştişê Tel Eran û Tel-Hasil ra roportaj viraşt, şahîdê komkiştişê roportaje de eşkerê vanî, komkiştiş biya. Vanî, merdime ma hete çeteyan ra, bi tewirek wehşî ameyê kiştiş.
Rudaw TV û Zagros TV zurkerî kerd. La Reyna tifê xo û zure xo lesna.
La serwerê Rudaw TV ze Rebwar Kerîm û Ako Muhammed  zuran ra fek verenêdanî. Hemverê PYD,TEV-DEM, YPG,YPJ, El-Ekrad û Şarê Kurd eşkera dişmenê kenî.
Ze hîzmetkarê dewlata Tirk û Fetullah Gûlen qisekenî. Nusnenê.  Xo ra yena zanayîş, Rebwar Kerîm ze kesê Fetullahî yeno şinasnayîş. Têybîyayişê(beşdar)  kombîyayîşê Fetullahîyan beno.
Wexto ke dişmenê Kurdan, çîyêk kenî yew vano, dişmenê mayê û yew hina fam keno.
La çîyo ke, PDK û TV’yê PDK Rudaw û Zagros TV kenî fam nêbeno.
Çîyê ke, PDK û TV’yê PDK Rudaw û Zagros TV kenî, eleqê nayên ne Kurdbiyayîş ra ne zî welatparêzî ra esto.
Kar û şixulê înan hîzmetê dişmen de yo.
Xo ra, Şarê Rojava yê Kurdîstan zî eynî çîyê vano.