Konservautarê Aram Tîgranî sermedo ke deyr û adetê dengbêjî neqlê neslanê neweyan bikero perwerdeyê muzîkî dano gedeyan û semedê gedeyan dîwanê dengbêjî yê gedeyan viraşt. Hemserekê Şaredarîya Bajarê Gird ê Amedî Gultan Kişanak, Firat Anli û keyeyê gedeyan tewrê dîwanê dengbêjî yê gedeyan bîyî. Gedeyan kincê herêmî xoradayê û deyrê ke mîyanê serre de musayîbî vatî. Hemşaredaran zî gedeyan de pîya deyrî vatî.
Hemşaredar Firat Anli keyeyê ke kultur û ziwanê xo rê wayîr vejîyenê û adetê xo musnenê gedeyanê xo înan rê sipas kerd û va, nika ra tepîya gedeyî dê bi ziwan û kulturê xo bibê pîl.”
Netîceyê xebate 7 serran
Mudirê Konservatuarî yê Aram Tîgranî Şêrko Kaniwarî derheqê xebata diwanê dengbêjî yê gedeyan de zanayîş da û wina va “ Ma teşrîna peyêne ya 2015 ra nat bi hewayêko profesyonel perwerde danê 92 gedeyan. Diwanê dengbêjî yê gedeyan netîceyê xebata 7 serran o.
AMED