Wezaretîya Karê Dîyanetî ke tim bi fetvayanê xo yê camêrd û cîyakarî yena rojeve, na rey zî kayanê domanan de zîhnîyetê xo nîşan daye.
Keyepelo fermî yê Dîyanetî de beşa ‘Dîyanet Çocuk’ de kayê embaz vînayîşî esta. Kay de cinî, camêrd, şaşike, tezbîhe û secade estî. Nê kayî de rîyê cinîye bi hawayo zelal nîno dayîş.Keyepelo ke seba domananê şenikan ameyo amadekerdiş de domanê ke hîna mefhûman nêzanî, înan rê mefhûmê cehenemî ameyo vatiş, mîyanê yew adiro ke veşeno de şeytan yeno şinasekerdiş. Beşa ‘trena mefhûman werzena’ de domano ke sereyê ci de şaşike esta, yeno dayîş. Kayo ke mabênê dayîke û lajî de vîyareno de seba dayîke û lajî wezîfeyî ameyî dîyarkerdiş. Dayîke karê keyeyê û pakkerdişî kena. Wexto ke dayîke lajî ra wazena ke laj cilan bialiqno, laj vano ‘no karê cinîyan o’ û bi no hawa rolê camêrdî kay keno.
Beşa ‘qehremano super’ de kayo ke mabênê kalik û torinî de zî dîyalogêk esto. Dîyalog de domano ke resim xêz keno û resim de keştîyê şerî, teyarayê şer û helîkopteran xêz keno. Bi no hawa binhişê domanan de mîlîtarîzm yeno bicakerdiş. Dîyanet bi no hawa domanan goreyê profîlo ke wazeno, resneno.”
ŞÛJIN / ENQERA