Muslîm destnîşan kerd ke di kura de çeteyekê zey DAIŞ fikrîyeno heme rayvisî neyarî înan o, DAIŞ Kobanê xo tepa ont, nêzano Rakkaye de vindert seba înan muhîm nîyo, çimkî zanenî ke çika zîhnîyeta DAIŞ di Sûrîyeye de bibo, na zîhnîyeta her tim verba kurdan neyarî bikero.
Muslîm wina vat: “Di Moskovaye pêvînayişan de heme beşdarwanê ê zey aktorî vînayî. Zey verên hêzê mûxalîfî înan ra nêzdî nêbenî û nêzdîbîyîşî înan bedilya yo. Ma hetanê nika telukeya çeteyê DAIŞî rê dinya hişyar kerd la belê hetanê hêrişê Charlîe Hebdoye ra hêriş nêame kerdiş, Ewropa telukeye DAIŞî ra fam nêkerd. Ma persî DAIŞî kam mîyanî ra vet? Kam zîhnîyeta hegemonkar, zey hêzê lejkerî no rayvistî vet û kam zîhnîyet na rayvist xobixo xeql kerd? Çeteyê DAIŞî îdia kenî ke guya hîlafet bironî. Şarê Rojhîlatê Mîyanê şareke mislîman î, çetey zî seba xapênayişî îslamîyetî şuxulnenî, çew seserra 21’in de no vatişê çeteyan qebul nêkero. Qet zî raşt nîyo zey çeteyê DAIŞî û El Nusra partîyeke xapênayox î.”
Kurdîy pêrabesyeyî
Muslîm îzeh kerd ke hêzêke bîyîşê kurdan qebul nêkenî, kurdan reyde şer kenî, yewîtîya kurdan qebul nêkenî, nê çeteyan yewin înan elaqadar keno. Muslîm wina domna: “Hewna di Rojhîlatê Mîyanê de hêzêke est î verba rejîmê faşîst têkoşîn danî. Hêzê faşîst zî DAIŞî verba nê hêzê muxalîfî şuxulnenî. Di mîyanê DAIŞe de bi hezaran lejkerê BAASî est î.”
FRANKFURT