Hetê hêzê Kobanê sivîl kobanêyij zî têkoşîna ke gird peynîya cepheyî danî. Extîyarê Kobanêye, kobanêyijeke axê xo terk kerdî, înan ra veng day û vatê ke ganî biagêrê axê firaz ra û vanê ke do înan no şerî bi heqî qezenc bikerî, nika taybetî çeteyê DAIŞî vakûrî ra yanî hetanê Tirkîyaye ra hêrişê kenî. Kobanêyij Mîslîm Cîdo vat ke DAIŞî belayê înan ser Erdogan û Esad kerdo û wina vat: “Hêzê faşîst pêroyina dinyaye ra nê çeteyan kom kerdî û sifteyin Tîlebyad ra day hêrişkerdiş, merdimê ma zî sifteyin amey noca û tena merdimê ma nê 400 dewe ra kesî amey dewe ma la belê hêrişê çeteyê ser ma nêçare Kobanê vila kerd. Esad û Erdogan seba peynîkerdişê kurdan heme polîtîkayê leyminî şuxulnay. Fikrîyay belkî Kobanê bikewo la verba hêzê YPG/YPJ çetey û Tirkîya şaşê de mendî. Ganîyo ke kobanêyijan axê xo ra biagêrî û bi rûmeta xo biciwî. Do Kobanê azad bibo.”
Apê Nemir nobed de yo
Apê Nemir seba welata xo di lajê xo dir têkoşîn dano. Apê Nemir nika sembola têkoşîna Kobanê yo. Çend ra Apê Nemir birîndar kewt la ey qet xoverodayişî xo ra tepa gam nêeşt. Nika Apê Nemir di xoverodayiş rê xebat sînorî de destpê nobedî kerd û her roj silom embazê xo ra erşeweno.
DÎHA /KOBANÊ