Goreyê no qanûnê ke Wezareta Edaletî pêşkêş kerdo de sucê ke cezaye înan hetanî 5 serran de ger ke kerdox sucê xo qebul bikero do cezaye ci heta 1 serre eşkeno bikewo. Rayna ger ke no bibo qanûn do sucê tacîz û zayendî eşkenî biaçaryo cezaye pereyan. Hetê nêy de mîyanê nêy taslaxê qanûnî de cirmdayîşê verî reyde ceza ra xelasyayîş zî esto. Yanî no hawa do pergala ‘cirm bidi-xelas bibi’ bêro awankerdiş.
Babete sero Pawitox Halîme Sanli ard ziwan ke nêy raştkerdiş do rêjeya suckerdişî vêşî bikero û semeda ke no qanûn tepa bêro kaşkerdiş veng da herkesî ke wa herkes bertekêy xo bimojnî.
Temînat do xirab bibo
Sanli ciresna ke bi no hawa sucdarî pereyan rey eşkenî sucê ke kerdo ra xelas bibî û nêy sucdaran sero pere qezenckerdişî ra cîya ti manaya nêy qanûnî çino û wina domna: “No yeno manaya ke ‘ger ke pereyê to esto se, ti eşkenî suc bikerî û ger ku pereyê to çinêbo aye wext ti herinda cezaya xo de şonî yew dezgeyê de xebetyenî.’”
Sanli vat ke bi taybetî merdim wexto ke hetê sucê zayendî de binirxno, veyneno ke mexdurî semeda ke temînata înan ya hemverê sucdaran esto gilîya înan nêkenî û wina peynî kerd: “Bi no qanûnî temînata înan bi temamî do biqedyo. Wezîfeyê dewlete no yo ke sucdaran ceza bikero labelê no taslaxî rey sucî yenî meşrukerdiş. Sey mehneya kêmkerdişê kapasîteyan nîşan dano.”
SARYA GOZUOGLU/JINHA/AMED