Sazîya cenîyan KA.DER hetanê seba cenîyan xebat kerda, taybetê zaf hûmarîy de namzedê cenî mojnayişê HDP elaqayê KA.DER anta. Temsîlkara Antalya ya KA.DERê Ugur Karaca qise kerd.
Karaca vat ke zaf hûmarîy de partîyê pergalê namzedê cenîyê mojnay labelê dijî na ferasetê HDP seyî ra 50 de namzed cenî mojna û bi no nêzdîbîyîşê xo zî HDP sewbî partîyan ra bî finak.
Temsîlîyeta zeypêyê
Karaca ciresna ke êdî ganîyo ke seyî ra 50’ê Meclîsê cenî bibo, dîroka Komarî ra nika cenîyê qet Meclîs de temsîlîyetê xo nêvînayî û wina vat: “Çi heyf ke hetanê nika Antalya qet şaredara cenî nêvet, rewşa Tirkîyayê na babete de zaf weş nîyo, Antalyayê AKP di namzedê cenî, CHP zî eynî hûmarîy de namzed mojnayî la HDP 14 wekîl ra 8 a ci cenî mojnaya. Ma zaf wazenî Denîz Yildirim Meclîs de cayê xo bigêra, çimkî Yildirim endama ma ya. Wekîla cenîyeke Meclîs de cayê xo bigêrî ganîyo ke seba hemcinsa xo zî bixebitê û hewl bidê ke hemcinsa înan zî Meclîs de cayê xo bigêrî. Ma wazenî wekîlê cenîyê projeyan biafirinî.”
Ezber xêrap bî
Karaca ciresna ke HDP bi namzedmojnayişê xo û beyannameyê xo ya cenîyê de heme ezberê Tirkîyayê xêrap kerd, HDP neweyê muhîm ard û HDPî ra zaf hûmarîy de cenîyê ser piro dayî û bi no nêzdîbîyîşê xo zî HDP konjoktorê weş akerd, êdî merdimê Tirkîyayê tena sûcdar nêkenî, seba aştî û çareserîyê zî têkoşîn danî, qet HDP mesajê xêrap nêdana.