Terzî di raporê xo de vat ke di bi lezî Pirsûsê yew nêweşxane bêro ronayiş û di mîyanê no nêweşxaneyî amelîyatxane û odeyê lezgîn zî bibo û yew masaya krîzî heme polîtîkayê weşîyê dîyar bikero û wina vat: “Wezaretê Weşî bi lezî destpê xebatan bikero, di Pirsûsê de doktorê sîneyê çin ê. Peynîya hêrişê çeteyê DAIŞ û xoverodayişê kobanêyijan pêkewtiş gird bi. Peynîya pêkewtişî zî taybetê hûmarê sivîlê birîndar zaf bî. Eke vergirewtişan nêro se girewtiş do tabloyê giran verê ma bivejîyo.”
KOBANÊ RÊ VENG
Terzî destnîşan kerd ke ganîyo ke heme rayvistişê doktorê vergirewtişê qirkerdişê Kobanê ser veng bidê û wina dewam kerd: “Belkî di noca de doktorê bi zerrî têkoşîn danê la belê qiym nêkeno û ganîyo ke Wezaretê Weşîyê heme îmkanê xo seferber bikero. Nika doktorê zerrîdar bi îmkanê xo têkoşîn danê la belê çend rojê peynî nê doktoran esil cayê wezîfeyê xo ra bişîrê. Bi lezî doktorê TTBî ewro biresê waran, eke nêresî do kargaşa bivejîyo. Hewna çi heyfo ke di Nêweşxaneya Pirsûsî de doktorê sîneyê çin o û di zaf hûmarîy de birîndarî zî bi travmaya toraksî resenê hetê ma û di nêweşxaneyî de setê torokotomî zî çin o, ganî bi lezî bêro temînkerdiş.”
Terzî ciresna ke nika nêzdî Kobanêyê yew revîr tena mewcud o û di doktor di noca de xebityenê û sewbî nêweşxane û navenda weşîyê nêxebityenê û înan reyde pêvînayiş kerdî, di noca de wezîfedaran înan ra setê cerrahî, lokal, adrenalîn û prednîzolon waştê û seba temînkerdişê nê waştişan ser di Kobanêyijan reyde têkilî bêroronayiş.
RIHA