Projeyê Koroyê domanan ke bi pêşengtîya Şaredarîya Çinarî yê DBP û Komeleya Kulturî ya Dîcle Firatê ca yeno hadreyînê vetişê albumî kenê. Domanê ke tewrê kursanê, erbane, tembûr û gitarî ke verîya 4 serran hetê Midûrîyeta Karê Civakî û Kulturî yê Şaredarîya Çinar da destpa kerdiş bî, nika zû siba gurenayişanê profesyonel gameke bîn erzenê.
2 aşman ra dima vejyeno
Mamosteyê muzîkî yê Şaredarîya Çinarî Azad Bedran ke albumê domanan ra eleqedar qisey kerd da zonayen ke nezdîyê 2 serrîyo hadreyînê albumî kenê. Bedranî vist vîrî ke emelê înan têhetardişê koroyanê domanan û bi şiklekê komunal bi nameyê “Kulîlkên Mezopotamya” gureyê albumî ramito. No proje de dezgehê ke ca gênê iyê dê klameke vajê. Xeynê klasîkê kurdî eserê newî zî estê û do 8 klamî album de ca bigîrê. Hadreyînê albumê domanan temam bîyê. Nezdîyê di aşman de do bi etîketê Kom Muzîkî bivejîyo.
Azad Bedranî aşkere kerd ke no album do bibo gureyê diyîn yê no şiklî û wina dewam kerd: “Verîya 25 serran bi nameyê ‘Gulên Mezra Botanê’ albumeke vejyabi. 25 serran ra dima albumeke newî vejyeno. Demê vernîya ma de gureyê ma yê cîya zî dê bibê.
DÎHABER / AMED